KOOPERASAUN BILATERAL ENTRE GOVERNU TIMOR-LESTE HO INDONÉZIA IHA AREA IMPORTASAUN NO EXPORTASAUN.”

Abstratu

KOOPERASAUN BILATERAL ENTRE GOVERNU TIMOR-LESTE HO INDONÉZIA IHA AREA IMPORTASAUN NO EXPORTASAUN.”

Husi Frans Belarmino Dos Santos Menezes, no estudante Briante Soares Borges Nre : 16.03.01.180

 

Timor-Leste jeografikamente lokaliza-an iha entre Australia no Indonézia. Timor-Leste restaurasaun independénsia iha loron 20 fulan Maiu tinan 2002, Timor-Leste hahu nia kooperasaun ho nasaun seluk partikularmente iha Ázia ezemplu ho Indonézia iha ne’ebé espesifika liu ba iha atividade ekonomika hanesan importasaun no exportasaun ba nesesidade bázika sira (sembako). Tamba Governu Timor-Leste, halao ninia atividade importasaun no exportasaun liu husi Ministerio finansa Alfándega no portu sira ne’ebe halao ninia servisu atu atende no kontrolu  kona ba movimentu merkadoria sira ba importasaun no hodi kontribui taxa ka impostu ba kofre Estadu. Bazeia ba fundu problema maka, konsegue identifika problema mak hanesan: Atividade exportasaun Timor-Leste sei menus produtu ne’ebé mak atu halo exporta ba nasaun seluk, Menus ekipamentus makina modern atu loke fabrika hodi investe ba  nasaun indonezia, Governu menus akompaniamentu no kontrolu ba produsaun produtu local, no menus Rekursus Humanu ba iha area agrikultura hodi promove produtu lokal sira. No hakerek nain formula ona problema mak “Oinsa kooperasaun bilateral entre governu Timor-Leste ho governu Indonézia iha area Importasaun no exportasaun liu husi Alfándega. husi fórmulasaun problema ne’ebé hato’o ona iha leten, maka objetivu ne’ebé atu atinji iha peskizasaun hánesán: 1)Buka atu hatene, analiza no Atu deskreve kona ba aktividades importasaun no exportasaun iha iha Ministeriu Comersiu Industria no Alfándega. Bazeia ba tipu  bazeia fundus problema no objetivu ne’ebé atu atinji iha peskizasaun mos enkuadramentu literasia ne’ebe Kompostu husi teoria Koperasaun, teoria Governu, teoria Nasaun, teoria Importasaun, no Exportasaun. Bazeia ba tipu  peskiza ne’ebé peskizador atu uza iha peskiza ida ne’e mak peskiza Kualitativu Deskritivu tuir peritus Miles no Huberman iha livru sugiyono ne’ebe ho Métodu peskiza kualitativu deskritivu katak atu observa fenomena sira ne’ebé akontese iha fatin peskiza ho faktu ka realidade hanesan ho kondisaun ne’ebé lolos. Ho objetivu atu buka hatene kona-ba atividade importasaun no exportasaun hosi utiliza ba dadus Primariu no Sekundariu.

Hosi análiza rezultadu peskiza ida ne’e peskizador deskreve katak Kooperasaun entre governo Timor-Leste ho governu indonezia lao diak nu’udar esforsu ida entre nasaun atu atinji objetivu hamutuk, kooperasaun ne’e akontese hosi interese hanesan, ne’ebé sai baze atu responde ba problema ne’ebe nasaun rua infrenta liu hosi mekanismu kooperasaun ida espesialmente iha areia importasaun/exportasaun ba atinji nesesidade nasaun rua nian. Bazaia ba rezultadu mak peskizador fo konkluzaun katak Servisu Ministerio Comercio Industria e Ambiente presija kria sistema ne’ebe diak atu nune’e bele halo kooperasaun ho nasaun seluk iha aktividades importasaun no exportasaun hodi kontrolu no promove ba produtu sira ne’ebe mak tama no sai iha rai-laran.sujestaun Ba Instituisaun Ministerio Comercio Industria e Ambiente tenki servisu makas liu tan no hasae rekursus humanus halo diak hodi promove ita nia produtu sira iha rai-laran, Fahe informasaun no apoiu ba komunidade sira  iha area Agrikultura hodi promove produtu komunidade sira nian iha rai-laran, Husu ba Ministerio kompetente hanesan ministerio agrikultura tenki tau atensaun ba iha area agrikultura hodi promove produtu rai-laran.

 

Lian Mak Xavi : Kooperasaun, Governu, Nasaun, Importasaun No Exportasaun.

 

 

LIA-DAHULUK

1.1.          Antesedente

Timor-Leste jeografikamente konsideradu nu’udar rai kiik ida iha kontinente Ázia, ne’ebé lokaliza-an iha Rejiaun Sudeste Áziatiku entre Australia no Indonézia nia klaran. Timor-Leste iha nia fronteira tasi ho Australia iha parte leste no fronteira rai no tasi ho Indonézia iha parte oeste no norte. Timor-Leste nu’udar nasaun ida naturalmente iha nia povu ida ho karater própria ne’ebé hakesi-an ho nia kultura ne’ebé manifesta liuhusi: lian, hatais, uzu kustume, nst. Iha parte seluk nu’udar nasaun soberanu, Timor-Leste iha nia símbolu Nasional sira mak hanesan: Bandeira Nasional, Konstituisaun (Lei Inan) ho nia órgaun soberania haat: Presidente da Repúbklika, Parlamentu Nasional, Governu no Tribunal sira ka orgaun judisiária sira.

            Hafoin halo tiha nia restaurasaun independénsia iha loron 20 fulan Maiu tinan 2002, Timor-Leste hahu nia kooperasaun ka servisu hamutuk ho nasaun sira seluk partikularmente iha Ázia ezemplu ho Indonézia iha ne’ebé espesifika liu ba iha atividade ekonomika hanesan importasaun no exportasaun ba  nesesidade bázika sira  (Sembako) No  produtu lokal sira iha rai laran.

             Aktividade importasaun mak hanesan Foos Mina,Masin,Masako supermie, no material Konstrusaun sira  hanesan besi kalen semente pregu, material elektronika sira hanesan Telefone laptop,kumputador,no kluna.. No aktividade  exportasaun produtu  lokal sira mak hanesan  Maek, Vanilla, Kafe, Karau  kulit ,Kinur, Nu’u maran,Ailia  Hudi , Batar Aifrina Buduh tasi.husi produto sira  ne’e mak bele halo balansu  ba   iha aktividade importasaun no exportasaun. no halo interdependensia ba malu  hodi sustenta povu nia moris tanba jeralmente Timor-Leste sei dependente maka’as ba sasan sira ne’ebé importadu husi Indonézia. hanesan: Fos, Mina, Supermie Masin ,Masako, no Material konstrusaun no  Material Elektronika sira..

Timor-Leste nu’udar nasaun ne’ebé foun, la fásil atu hahu nia ekonomia tanba ne’e presiza tebes servisu hamutuk ho nasaun seluk liuliu nasaun viziñu hanesan Indonézia hodi bele fo tulun ba iha sustentabilidade ekonomika iha rai laran.

Atividade exportasaun ne’ebé kuaze laiha ka la la’o tanba dala barak produtu ne’ebé Timor-Leste halo exportasaun maka  Maek, Vanilla,Kafe,  Karau kulit, Ailia  Batar,aifrina, Hudi maibé ho kuantidade ne’ebé sei kiik ka mínimu tebes. Husi perspetiva ekonomia taxa importasaun ne’ebé tun sei fo impaktu ba iha reseita estadu nian no implika direta ba rendimentu externa tanba durante ne’e fonte reseita estadu sei mai deit husi ajénsia autoridade sira iha aportil maka hatama reseita barak liu ba kofre estadu. Hare’e ba atividade importasaun no exportasaun ohin loron iha Timor-Leste ekonomikamente sei dependente liu ba importasaun husi nasaun viziñu sira.

Atividade exportasaun iha Timor-Leste sei fraku ka uitoan liu hodi bele asegura no sustenta prosesu dezenvolvimentu ekonomika iha rai-laran. Ne’e mak situauasaun real ne’ebé mak ohin loron ita nia nasaun enfrenta hela. Sasan importasaun maka nakonu, kona-ba exportasaun seidauk iha nia efetividade hodi bele lori vantajen di’ak ba ita rain tanba produtu lokal komunidade sira nian sei abandonadu ka ita bele dehan setor agrikultura ne’ebé seidauk utilize didi’ak ita nia rekursu natural sira hodi produs aihan lokal sira hanesan Vanilla, Maek, Kafe, Hare’e, Batar, Aifarina, Hudi no Nu’u.

Ho nune’e nasaun Timor-Leste liu husi ministeriu kompetente sira hanesan agrikultura, ekonomia no turizmu serbisu hamutuk hodi foti medida sira mak hanesan, primeiru hamenus uluk dependénsia ba importasaun, segundu loke indústria hodi kria kampu servisu barak liutan iha rai laran, terseiru halo mudansa ba servisu ka rekursu umanu, no kuartu presiza kria polítika ida ne’ebé di’ak liu husi ministériu agrikultura no ekonomia atu nune’e bele garante ba exportasaun produtu lokal sira ne’ebé komunidade sira produs ka kuda hodi nune’e bele hasa’e no hamoris ekonomia iha ita nia rai laran.

Timor-Leste seidauk atinji nia ideal iha atividade exportasaun kompara ho nasaun importadu ne’ebé hatama sasan mai nasaun Timor-Leste hanesan Indonézia, Xina, Tailandia, nst. Iha parte seluk ita nia atividade negósiu iha rai laran la’o ladun di’ak, tanba parte ministériu relevante sira menus kontrolu no laiha liña kordenasaun ka kopera hamutuk hodi kontrola atividadade transaksaun illegal sira iha area fronteriza no mos peska illegal sira iha ita nia tasi.

Situasaun inkontroladu sira ne’e mak kontribui maka’as ba ita nia nasaun Timor-Leste hodi dependente nafatin ba nasaun sira seluk. Tinan-tinan estadu Timor-Leste aprova ninia Orsamentu Jeral Estadu (OJE) nian maibé osan ne’e nia sirkulasaun barak liu mak sulin ba rai liur kompara ho sirkulasaun osan iha ita nia komunidade ka iha rai laran. Ne’e indikasaun ida ne’ebé hatudu momos katak, ita sei presiza tebes servisu hamutuk ho nasaun viziñu sira hodi bele importa sasan nesesidade básika sira hodi nune’e bele hamoris nafatin atividade ekonomia iha rai laran.

Iha titulu ida ne’e hakerek nain hakarak elabora no koko atu espresa hanoin ruma relasionadu ho problema ne’ebé mak ligadu ho atividade importasaun no exportasaun iha ita nia rai laran. Iha kontextu ida ne’e hakerek nain limita deit ba iha kooperasaun entre nasaun Repúblika Indonézia no nasaun Repúklika Demokrátika Timor-Leste iha atividade importasaun no exportasaun liu husi Ministeriu Comersiu Industria no  Alfándega.

Aktividades importasaun no exportasaun Governu Timor-Leste  Dekretu–Lei N.^o 5/2007, liu husi Bem ka Merkadoria nian  husi importasaun no exportasaun, publikadu iha jornal Republika loron 22 fulan Agusto tinan 2007,

Governu Timor-Leste halao ninia atividade importasaun no exportasaun liu husi Ministerio Comercio industria no Alfándega no portu sira ne’ebe halao ninia servisu atu atende no  kontrolu  kona ba movimentu merkadoria sira importasaun no exportasaun ka sasan tama no sai husi rai laran ba rai liur hodi kontribui taxa ka impostu ba kofre Estadu.Prosedimentu importasaun no exportasaun iha ita nia Nasaun ,ligadu dereitamente ho instituisaun Estadu no mos kompanha privadu sira ne’ebe investe iha atividade importasaun no exportasaun.

 Ho nune’e, iha peskiza ida ne’e sei halo peskiza ba deit iha kestaun rua refere hodi hare’e’e kona-ba nia impaktu pozitivu no negativu ba ita nia krezimentu ekonomia rai laran.  Impaktu husi kooperasaun entre nasaun rua ne’e ita hare’e liu ba iha area investimentu ne’ebé mak hanesan nasaun Indonézia lori sira nia sasan rasik hodi mai iha nasaun Timor-Leste hodi domina tiha produtu Timor-Leste nian tanba liu husi Merkadu livre.

Hare’e ba prespektiva ekonomi internasional mosu ekonomi rejional no  akordu ba komersiu livre sira hanesan implementasaun husi ideia merkadu livre, proponente husi ideia ida ne’e fiar katak merkadu livre mak bele lori prosperiodade ba nasaun sira iha mundu.Teorikamente, ideia ida ne’e bazeia ba hanoin filozofia famouzu, Adham Smith ne’ebe fiar katak merkadu livre haneasn dalan atu atinji kresementu ekonomi. Ho ideia sira ne’e ita foti  ideia sira husi David Ricardo  hodi aplika ba kontextu komersiu entre nasaun sira, implika katak nasaun ida tenki iha espesialidade atu produs sasan ruma ne’ebe ema ka nasaun seluk laiha ne’e sai hanesan comparative advantage kada nasaun nian iha komersiu internasional.

Objetivu husi Komersiu internasional ne’e mak atu kompleta nesessidade  liu husi faan no soasa entre nasaun ho nasaun seluk. no nia benefisiu  mak  hetan produtu sira ne’ebe mak ita laiha, no hasae impostu rendimentu ba Estadu ou hetan Lukru.

Liu husi kritika ida ne’e bele fo hanoin ba politika Timor-Leste nian tanba ita sei moris nafatin ho dependente ba produtu internasional ,tanba iha realidade ita hare’ee katak Timor-Leste laiha produtu ne’ebe diak atu produs iha rai laran.hodi responde ba nesessidade no obstakulu ne’ebe maka Timor-Leste sei enfrenta iha kontelasaun ekonomi politik. Impaktu ida maka wainhira ita sai membru ASEAN ita mos sei hola parte iha agreement  Free Trade Area (AFTA) entaun ekonomikamente ita tenki prepara pra-kondisaun tanba ita sei envolve iha Free Trade (Perdagangan Bebas).

 Tanba ne’e mak Governu Timor-Leste Tenki kontinua esforso hodi eksplora Rikursus Naturais ne’ebe iha hodi lori ba kompete iha merkadu komersiu internasional iha rai laran no mos rai liur mak haneasan ,Maek Vanilla,Kafe, no maioria nesessidadde bazika sira ita hetan husi rai liur ou nasaun estranjeiro sira.

No Nasaun Indonézia sira mos mai iha Timor-Leste tanba iha rekursu ne’ebé diferente ho nasaun Timor-Leste. Katak bainhira nasaun Indonézia hala’o kooperasaun ho nasaun Timor-Leste atu hametin nasaun Timor-Leste nia ekonomia no atu hala’o mudansa ba nasaun ne’ebé sei sub-desenvolve hela. Maibé iha parte seluk hakerek nain hare’e liu ba iha impaktu positivu tanba ita nia nasaun Timor-Leste iha Timor oan barak mak la servisu, la’os katak susar hetan servisu maibé na realidade ne’ebé mak ita hare’e Timor oan barak mak baruk ten atu loke  sevisu rasik ka kria kampu servisu ba nia an rasik.

Ita difine investimentu negósiu katak investimentu hanesan sasan ne’ebé mak sai husi setor produsaun atu nune’e bele sosa sasan ka sasan hirak ne’ebé mak fo ba ema ne’ebé seidauk halo fábrika iha nia nasaun laran ho nune’e aumenta sasan ne’ebé mak ita nia fábrika seidauk iha. Relasaun bilateral entre nasaun rua ne’e hodi hametin amizade ne’ebé mak refere liu ba exportasaun no importasaun ekonomia iha rai laran no rai liur. Tanba ne’e Timor-Leste ho Indonézia oras ne’e kontinua hametin nafatin relasaun iha area oioin entre nasaun rua.

 Iha Konstituisaun Republika Demokratika de Timor-Leste (K-RDTL) iha artigu 8 alinea 1 hatete katak :

“Republika Demokratika de Timor-Leste (RDTL) halo relasaun internasional husi prinsipiu independensia nasional, kona-ba ema hotu nia direitu. Povu nia autodeterminasaun rasik atu ukun rasik-an, soberania permanente povu nian kona-ba nia riku soin no rekursu natural sira, kona-ba protesaun emar hotu nian, diretu kona-ba respeitu malu ba ida-idak nia soberania, integridade rai laran nian igualidade entre estadu sira no labele halo interferensia ba estadu ida-idak nia asuntu iha rai laran”.

 Husi lei ne’e rasik fo dalan atu halo relasaun ho nasaun seluk ka organizasaun internasional seluk hodi resolve no ultrapasa dezafiu sira ne’ebé mak Timor-Leste sei hasoru hela liu-liu dezenvolvimentu nasional. Dezenvolvimentu komérsiu ekonomia Timor-Leste ho estadu Indonézia hatudu indikator hanesan investimentu estranzeiru ho objetivu atu hasa’e kualidade moris povu nian. Investimentu sai hanesan fator importante ida iha prosesu no polítika ba dezenvolvimentu ekonomia mundial nian.

Ekonomia internasional ka relasaun ekonomia internasional ne’e bele ho komérsiu, investimentu, empresta, ajudus, inklui, servisu hamutuk. Katak nasaun Timor-Leste hala’o kooperasaun ho nasaun Indonézia atu hetan ajudus ba nasaun Timor-Leste hodi bele halo dezenvolvimentu ba ita rai ne’ebé mak sei kotegoria nu’udar nasaun sub-desenvolve no oinsa atu halo mudansa ba iha area ekonomia Timor-Leste nian. 

Iha titulu ida ne’ebé hakerek nain koalia katak ita atu hare’e nasaun seluk ne’ebé halo investimentu mai ita nia nasaun ita tenki hala’o relasaun di’ak mos ba nasaun ne’ebé investe nia kapital boot ho nune’e rekolla sasan ne’ebé maka ita nia nasaun Timor-Leste seidauk iha, tanba Timor-Leste nia ekipamentos atu loke fábrika ruma hodi investe ba nasaun Indonézia seidauk iha tanba ne’e iha nasaun Indonézia liga liu ba fasilidade hotu-hotu kompletu atu bele produz sasan hirak ne’ebé hala’o importasaun mai nasaun Timor-Leste. Tanba ne’e Timor-Leste iha komprimisiu boot tebes atu bele iha kooperasaun ida ne’ebé di’ak liu tan ba futuru hodi asegura interese nasaun nian.

Identifikasaun Problema

           Bázeia ba identifikasaun problema iha leten, hakrerek nain konsegue identifika problema mak hanesan tuir mai ne’e:

1.     Atividade importasaun no exportasaun Timor-Leste sei menus produtu ne’ebé mak atu halo exporta ba nasaun seluk.?

2.     Timor-Leste menus ekipamentus makina modern atu loke fabrika hodi investe ba  nasaun indonezia.?

3.     Governu Timor-Leste sei menus akompaniamentu ou kontrolu ba iha produsaun produtu lokal sira iha  rai laran (liu-liu produtu exportadu sira).?

4.     Timor-Leste sei menus Rekursus Humanu ba iha area agrikultura hodi promove produtu lokal sira.?

1.3.     Formulasaun Problema

         Atu hafasil liu tan peskiza ida ne’e, hakerek nain formula ona problema mak hanesan “Oinsa kooperasaun bilateral entre governu Timor-Leste ho governu Indonézia iha area Importasaun no exportasaun liu husi Ministeriu Comersiu Industria  no  Alfándega?”

 Objetivu Peskiza

Bazeia ba fórmulasaun problema ne’ebé hato’o ona iha leten, maka objetivu ne’ebé atu atinji iha peskizasaun hánesán tuir mai ne’e:

1.     Buka atu hatene kona-ba kooperasaun entre governu Timor-Leste ho governu Indonézia iha area importasaun no exportasaun iha Timor-Leste.

2.     Atu analiza kona-ba impaktu husi aktividade importasaun no exportasaun iha Timor-Leste.

3.     Atu deskreve kona ba aktividades importasaun no exportasaun iha Ministeriu Comersiu Industria no Alfándega.

 

 ENKUADRAMENTU TEÓRIKA

Enkuadramentu Teoria, Kompostu husi Definisaun kona-bá teoria Koperasaun, Difinisaun kona-ba teoria  Kooperasaun Internasional, Definisaun kona-bá teoria Governu, Definisaun kona-bá teoria Nasaun, Definisaun kona-bá teoria Importasaun, Definisaun kona-bá teoria Exportasaun Difinisaun kona-ba  Teoria Interdependensia, Difinisaun Ekonomi Internasional, no Difinisaun kona-ba teoria Merkadu Livre tuir matenek nain sira nia hanoin.

 

MÉTODU PESKIZA

 Projetu  Peskiza

Bazeia ba projetu  peskiza ne’ebé peskizador atu uza iha peskiza ida ne’e mak peskiza Kualitativu Deskritivu. Métodu peskiza kualitativu deskritivu katak atu observa fenomena sira ne’ebé akontese iha fatin peskiza ho faktu ka realidade hanesan ho kondisaun ne’ebé lolos. Ho objetivu atu buka hatene kona-ba atividade importasaun no exportasaun iha ita nia rain.

Tan ne’e mak Sugiyono (2014:7) deskreve katak “Métodu peskiza kualitativu hanaran nu’udar métodu foun, tanba nia popularidade seidauk kleur, hanaran post positivistik tanba bázeia ba filosia post pos pisitivisme. Métodu ne’e bolu mos nu’udar métodu artistiku, tanba prosesu peskiza ho lala’ok arte, no bolu mos hanesan métodu interpretativu tanba rezultadu dadus peskiza sei iha relasaun liu ho interpretasaun ba dadus ne’ebé deskobre iha kampu”.

Foku Peskiza

Ida ne’ebé sai nu’udar peskizador nia fokus peskiza mak “ Hare’e’e ba aktividade  importasaun no exportasaun Timor-Leste nian ba indonezia liu husi kooperasaunFatin Peskiza

Fatin peskiza ne’ebé peskizador atu hala’o peskiza mak iha Ministerio Turismu Comercio e Industria no Alfándega Autoridade Aduaneira .

3.4            Tipu Dadu

            Dadus Kualitativu

Tuir Sukmadinata (2009: 53-60) “Peskiza kualitativu nu’udar peskiza ne’ebé utiliza hodi halo deskrisaun no halo ánaliza kona-ba fenomena, akontesimentu, atividade sosial, atitude, kredibilidade, persepsaun no ema ho individual inklui grupu”.

Ho definisaun ba peskiza kualitativu ne’e rasik, kona-ba dadus kualitativu utiliza hanesan dadus ho forma verbal no la’os ho forma númeru ka kuatitativu. Husi ne’e, ida ne’ebé hola parte nu’udar dadus kualitativu husi peskiza ne’e rasik mak deskrisaun jeral husi objetu peskiza kona-ba impaktu pozitivu no negativu ba atividade importasaun no exportasaun.

3.    Dadus Kuantitativu

Tuir Azwar (2007:5) katak “Peskiza kuantitativu nu’udar peskiza ne’ebé hakaas liu ba dadus-dadus numeriku prosesa ho métodu estatistika”.

Husi ne’e hatudu katak dadus kuantitativu hanesan tipu husi dadus ne’ebé bele sukat no bele sura tanba iha relasaun metin liu ba numeriku. Liu-liu bázeia ba informasaun ne’ebé bele defini ho númeru. Tan ne’e, iha peskiza ida ne’e kona-ba dadus kuantitativu kona-ba númeru existensia husi atividade importasaun no exportasaun.

 Fonte 

Dadus Primariu

Tuir Hasan (2002:82) “Dadus primariu nu’udar dadus ne’ebé hetan ka rekolla direitamente iha kampu husi ema ne’ebé halo peskiza ka ida ne’ebé presiza”.

Husi ne’e, ba dadus primariu ne’ebé konsidera nu’udar dadus ne’ebé peskizador hetan ka rekolla direitamente husi fonte dahuluk. Tan ne’e ba dadus primariu husi peskiza ida ne’e mak informasaun ne’ebé peskizador hetan direitamente liu husi entrevista ho respondente sira.

       Fonte Dadus Sekundariu

           Tuir Hasan (2002:58), “Dadus sekundariu nu’udar dadus ne’ebé hetan ka rekolla husi ema ne’ebé halo peskiza husi fonte sira ne’ebé iha ona”.

           Husi ne’e, ba dadus sekundariu ne’ebé konsidera nu’udar dadus ne’ebé hetan ka rekolla laos ho direitamente husi respondente sira maibé hetan husi dokumentu sira ne’ebé iha ona. Tan ne’e iha peskiza ne’e, dadus sekundariu ne’ebé peskizador hetan husi dokumentu kona-ba estatistika existensia husi atividade importasaun no exportasaun.

Téknika Halibur Dadus

Tuir Sugiyono (2014:224) “Teknika rekolla dadus hanesan faze ida ne’ebé estratejiku liu iha peskiza tanba objetivu prinsipal husi peskiza mak hetan dadus”.

Husi ne’e, importante tebes tanba iha peskiza nia laran rasik, iha ne’ebé peskizador buka atu hetan ka rekolla dadus sira hotu husi fontes oi-oin.Tan ne’e iha peskiza ida ne’e, tipu teknika rekolla dadus ne’ebé peskizador utiliza mak observasaun, entrevista, no dokumentasaun.

3.6  Observasaun

Tuir Nasution  iha Sugiyono (2014: 226) ne’ebé hato’o katak. “Observasaun nu’udar báze ba siénsia hotu”

Tuir mai husi Nawawi ho Martini (1992:74), “Observasaun nu’udar tau matan no rejistrasaun sistematikamente kona-ba elementu-elementu ne’ebé mosu iha fenomena ida ka fenomena-fenomena iha objetu peskiza”

         Entrevista

Tuir Esterberg iha Sugiyono (2014: 231) ne’ebé defini “Entrevista nu’udar enkontru entre ema nain rua hodi troka informasaun no idea liu husi husu no hatan sira, hodi bele iha rezultadu komunikasaun no konstrusaun hamutuk kona-ba signifikadu ba topiku partikular”.

Iha sorin seluk Sugiyono (2014:231) esklarese tan katak “Entrevista utiliza hanesan teknika rekolla dadus wainhira peskizador hakarak estudu preliminar hodi hetan problema ne’ebé tenke investiga, maibé mos wainhira peskizador hakarak hatene klean kazu husi respondente”.

Tan ne’e iha teknika rekolla dadus ida ne’e, peskizador sei hasoru direitamente ho objetu peskiza ka liu-liu respondente sira hodi husu pergunta sira ho sistematikamente relasiona ho asuntu ne’ebé peskizador hakarak hodi buka hatene klean kona-ba impaktu pozitivu no negativu husi atividade importasun no exportasaun.

Husi parte teknika rekolla dadus ida ne’e rasik, peskizador utiliza nu’udar apoiu hodi rekolla dadus ne’ebé relevante kona-ba kazu ne’ebé relevante ho kazu ne’ebé peskizador rekolla. Liu-liu dokumentu ne’ebé peskizador sei hetan mak kona-ba estatistika ba existensia husi atividade importasun no exportasaun.

             Dokumentasaun

Tuir Hamidi (2004:72).“Métodu dokumentasaun nu’udar informasaun ne’ebé mai husi nota importante husi instituisaun ka organizasaun no husi individu”.

Sorin seluk tuir Sugiyono (2014:240) “Dokumentu hanesan nota husi kazu ne’ebé validu hela. Dokumentu bele ho forma hakerek, imajem, ka obra monumental husi kualker ema”.

Iha parte teknika rekolla dadus ida ne’e rasik, peskizador utiliza nu’udar apoiu hodi rekolla dadus ne’ebé relevante kona-ba kazu ne’ebé relevante ho kazu ne’ebé peskizador rekolla. Liu-liu dokumentu ne’ebé peskizador sei hetan mak kona-ba estatistika ba existensia atividade importasaun no exportasaun.

3.7.      Instrumentu Peskiza

Tuir Sugiyono (2014:222) katak “Iha peskiza kualitativu ida ne’e sai instrumentu ka meius peskiza mak peskizador ne’e rasik. Tan ne’e peskizador nu’udar instrumentu ne’ebé mos tenke validu, iha ne’ebé peskizador kualitativu prontu halo peskiza hodi tun ba kampu”.

Iha peskiza ida ne’e sasan ne’ebé peskizador presija uza mak hanesan tuir  mai ne’e:

1.   Peskizador rasik, signifika katak instrumentu importante liu mak peskizador

tamba peskijador mak sei ba iha kampu peskiza.

2.   Sasan sira ne’ebé peskizador atu utiliza mos iha kampu peskiza mak pasta, kadernu, lapizeira, laptop no telefone bodik ba gravasaun no hasai foto.

3.8. Téknika Análiza Dadus

 Definisaun kona-ba teknika ánaliza dadus tuir Bogdan Sugiyono (2017:244) katak “Teknika ánaliza dadus nu’udar prosesu buka no organiza sistematikamente, dadus ne’ebé hetan husi rezultadu entrevista, nota iha kampu no material sira seluk, hodi nune’e bele fasil entende no nia konkluzaun sira bele informa ba ema seluk”.

Tuir mai Sugiyono (2014:245) hato’o katak “Ánaliza dadus iha peskiza kualitativu, hala’o wainhira hahu kedas rekolla dadus no hafoin remata rekolla dadus iha periodu propriu”. 

Sorin seluk tuir Miles and Huberman iha Sugiyono (2014:246) katak “Atividade iha ánaliza dadus kualitativu halo ho interativamente no kontinua nafatin to’o hotu, hodi to’o nia data nakonu ka satisfas. Atividade iha ánaliza dadus mak redusaun dadus, aprezentasaun dadus no konkluzaun”. Husi hanoin sira iha leten hutu ona katak kona-ba asuntu teknika ánaliza dadus kompostu husi komponente sira ne’ebé iha relasaun interativu mak hanesan komponente sira ne’ebé iha relasaun interativu mak hanesan data collection, data reduction, data display no conclusion drawing/ verification.

 Komponente husi teknika ánaliza dadus sira ne’e klaru duni iha ne’ebé hato’o husi Sugiyono hanesan iha Dezenhu 1 tuir mai ne’e.

 

REZULTADU PESKIZA NO DISKUSAUN

Deskrisaun Jeral Fatin Peskiza

Fatin peskiza ne’ebe peskizador halo peskiza mak hanesan Ministerio  Comercio   Industria e Ambiente,  Rua  Dom Boa Ventura ,Fomento Mandarin Dili Timor-Leste, no  Alfandega Autoridade Aduaneira  Postu Administrativu Vera Kruz  suku Caicoli Municipiu Dili.

Maibe iha Monografia ne’e peskizadora prefere hodi halo deskrisaun  jeral liu iha Edisiu Ministeriu Comercio  Industria e Ambiente, e historia peskija nian mak hanesan tuir mai ne’e :

Historia Badak  Kona-Ba  Ministerio  Comercio  Industria  E    Ambiente

Ministério Comércio, Indústria e Ambiente estabelese iha V Governu Konstituisional depois de remodelasaun Governu ba VI Governu Konstituisional ho atribuisaun lei organiku Ministério Comércio, Indústria e Ambiente nian foun, tuir Dekretu Lei No. 39 / 2015 iha loron 04 de Novembru hateten  katak Estrutura organiku Ministério Comércio, Indústria e Ambiente hala’o ninia funsaun hanesan orgaun Governu nian ne’ebe responsabiliza halo konseitu, exekusaun, koordenasaun no avaliasaun politika depois hetan apresiasaun / aprovasaun husi Conselho Ministro ba iha areas aktividades sira mak hanesan Ekonomikas Komersiais, Industriais Kooperativa e Ambiente.

Estrutura organiku Ministério Comércio, Indústria e Ambiente tuir artigo 3 Dekretu Lei No. 39 / 2015 iha loron 04 de Novembru ne’ebe hateten katak Ministério Comércio, Indústria e Ambiente superiorimente lidera husi Sua Excelência Ministro iha aktuasaun aktividades servisu no simu ordem husi Sua Excelência Premeiro Ministro.Iha aktividade servisu loron - loron  Ministério Comércio, Indústria e Ambiente, Sua Excelência Vice Ministro sei assume funsaun Sua Excelência Ministro nian wainhira Ministro  ausencia ou impedimentu ruma.

Tuir lei organiku Ministério Comércio, Indústria e Ambiente, tuir artigo 5 Dekretu Lei No. 39 / 2015 iha loron 04 de Novembru hateten katak Administrasaun direkta estado nian funsiona Diresaun Gerais hamutuk lima (5) mak hanesan tuir ne’e :

a.      Direccão Geral de Coordenação, Actividade Económica e Planeamento

b.     Direcção-Geral de Administração e Finanças

c.      Direcção-Geral do Comércio

d.     Direcção-Geral da Indústria e Cooperativas

e.      Direcção-Geral do Ambiente

       Vizaun no Misaun  husi Ministériu Comércio, Indústria e Ambiente 

Estabelesementu Ministeriu Comersiu Industria e Ambiente tuir nia vizaun no misaun  mak hanesan tuir mai ne’e:

1. Vizaun

Dezenvolvimento  bem star social, ekonomiku e ambiente iha nasaun Timor-Leste, liu husi promosaun areas produktividades komersiais i industriais.

 

2. Misaun

 

1.   Promove no dezenvolve ekonomia ne’ebe estavel, bazeia ba produsaun no produktividades, garantia bem star povo Timor – Leste

2.   Define politika ba dezenvolvimento iha areas produktividades komersiais, industriais, sector kooperativas, dezenvolve mekanismu importante hodi kombate kiak i redusaun dezempregu, kontribui ba estabilidade social e politico iha Timor –Leste

3.   intensivu  i apoiu sektores emprezarius no kresimentu de negosiu, aumenta kompitividade iha asaun ekonomiku globalizasaun

4.   Halo intrudusaun teknolojia foun industria transformasaun i redusaun gradual depedencia ba iha produtos importasaun

5.   Dezenvolvimento ekonomia diversifikasaun i sustentavel, integradu no konseitu ba konservasaun ambiental

6.   Promove kompetividade saudavel i protesaun ba konsumidores, intenciva parseiru komersiu entre pequenas, medias e grandes empreza

Ministério Comércio, Indústria e Ambiente tinan fiskal  2020 ba iha area komersiu  aposta makas ba programas preoridades iha area ekonomika komersiais sira mak hanesan tuir mai ne’e :

1.  1.   Kria fasilidades / kondisoens jestaun de organizasaun merkadu no halo formulasaun politika ekonomika komersiais hodi apoiu sirkulasaun produtos iha merkadu lokais no merkadu internacionais
2. 2.   Hala’o kontrola regulamente liu husi aktividades inspeksaun no regulamentus ba iha aktiviades komersiais no industriais, atu proteje direitus  komsumidores sira nian.
3. 3.   Asegura nesecidades logistiku estadu nian no halo intervensaun estadu iha ambitu rezime legais sira husi abastesimentu publiku no normalizasaun presu ba produtos esensiais e intensiva produsaun lokais liu husi programa komersializasaun produtos.  

 APRESENTASAUN DADUS

Bazeia ba peskiza ne’ebe peskizadora halao liu husi entrevista durante fulan ida ba objetivu peskiza ka respondente sira,rezultadu husi entrevista mak hanesan tuir mai ne’e:

4.2.1. Papel  ou  Servis Ministerio Turismo Comercio e Industria nian iha aktividade  importasaun no exportasaun.

         Tuir respondente hateten katak : Jeralmente servisu ministerio comercio industria nia papel atu responsabilidade atu foti insiativa no asaun ruma atu muda situasaun ne’ebe seriamente, hodi hadia situasaun rai-laran, No nia servisu  primeiro atu kontrolu ba servisu comercial no halo avaliasaun ba produtu, halo promosaun no ajuda nia prosessu distribuisaun ba Mercadu ho nia presu ne’ebe bele razoavel hodi halo kompetisaun iha merkadu, no dezenvolve ekonomia ne’ebe estavel, bazeia ba produsaun no produktividades, garantia bem star povo Timor -Leste no asegura prosedimentus konaba lisensiamentu ba aktividades ekonómikas iha âmbitu aktuasaun Ministerio Comercio Indusria  nian, Direcção Geral do Comércio funsiona tuir artigo 16 Dekretu Lei No. 39 / 2015 iha loron 04 de Novembru tuir estrutura organika MCIA nian. Director Geral Comércio hanesan órgaun MCIA  nian né’ebe responsabiliza ba implementasaun no jestaun polítikas né’ebe difinidu superiormente konaba komérsiu doméstiku no esternu, servisus no lisensiamentu, hó vizaun atu promove no dezenvolve ambiente institusional ida ke favorável ba kompetividade no inovasaun emprezarial, hó entidades kompetentes tuir regras ka regulamentus né’ebe Ministru define. Nune’e moos produto ne’ebe Timor-Leste halo exporta ba nasaun seluk hodi kompete iha merkadu internasional mak hanesan produtu primadona hanesan kafe, Maek, kinur, Mina Nu’u, Kami, Buduh Tasi, produtu sira ne’e mak agora promove  iha ra-laran governu identifika hodi halo exportasaun ba  nasaun seluk hodi kompete iha merkadu internasional. (iha loron segunda 5/10/2020).

 

Tuir mai respondente seluk hateten katak : Aktividades importasaun no exportasaun Jeralmente atu kontrolu ba movimentu merkadrias iha rai laran no rai-sasan sira ne’ebe tama no sai, sasan  ou produtu rai-laran ne’ebe exporta ba rai-liur prosidementu mak hanesan exportador tenki rekere utilizasaun rejime husi Diresaun Nasional das Alfandega, No sasan  ne’ebe importa mai rai-laran maibe importador la selu taxa ou impostu ne’e aplika ba importador ne’ebe hetan sertifikadu investimentu estemu no investimentu liur  ba nasional liu  husi Ministerio Ekonomi no Desenvolvimentu atu hetan izensaun impostu importador tenki haruka karta inklui dukumentu kona-ba tipu sasan ne’ebe atu importa, ba iha Diretor Geral de Receitas e Alfandegas Lei ou lejislasaun ne’ebe maka fo kbiit ba servisu Aduaneira /Alfandega Lei Tributaria-No.8/20008 Kodigo Aduaneira-Dekretu Lei No 11/2004. Dekretu Lei no No 9/2004 regula kona-ba, rejime jeral ba importasaun impostu selektivu ba produtus de kosumu ne’ebe hatama iha armazen no ba produtus hirak ne’ebe kosumidores konsumu.

No prosedimento husi Areo wainhira pasaageros to’o iha fatin distinasaun, tenki prinxe formulario deklarasaun aduaneiru kona-ba sasan /ema. Sasan sei liu husi makina Raiu-X karik deskonfia mak alfandega sei halo verifikasaun ba sasan ne’ebe lori no sei entrega ba ministeriu ne’ebe kompetente atu resove, karik sasan ne’ebe lori tama kategoria tributaria ,mak sei aplika selu taxa tuir prosedementos ne’ebe vigora. (iha loron Kuarta 24/10/2020).

 

Bazeia ba hanoin hirak iha leten mak peskizador konklui katak, servisu ministerio comercio industria nia papel atu responsabilidade atu foti insiativa ba asaun ruma atu muda situasaun rai-laran, No halo nia kna’ar hodi atu kontrolu ba servisu commercial, halo avaliasaun ba produtu, no promosaun é ajuda prosessu distribuisaun ba Mercadu ho nia presu ne’ebe bele razoavel hodi halo kompetisaun iha merkadu, Nune’e moos produto ne’ebe Timor-Leste halo exporta ba nasaun seluk hodi kompete iha merkadu internasional.

Iha parte seluk mos ne’ebe exporta ba rai-liur prosidementu mak hanesan exportador tenki rekere utilizasaun rejime husi Diresaun Nasional das Alfandega, No sasan  ne’ebe importa mai rai-laran maibe importador la selu taxa ou impostu ne’e aplika ba importador ne’ebe hetan sertifikadu investimentu estemu no investimentu liur  ba nasional liu  husi Ministerio Ekonomi no Desenvolvimentu tuir Receitas e Alfandegas Lei ou lejislasaun ne’ebe maka fo kbiit ba servisu Aduaneira /Alfandega Lei Tributaria-No.8/20008 Kodigo Aduaneira-Dekretu Lei No 11/2004. Dekretu Lei no No 9/2004 regula kona-ba, rejime jeral ba importasaun impostu selektivu ba produtus de kosumu ne’ebe hatama iha armazen no ba produtus hirak ne’ebe kosumidores konsumu.

 

4.2.2.   Estrategia Governu Timor-Leste nian hodi promove produtu komunidade sira nian iha rai-laran.

Tuir  respondente hateten katak : Estrategia Governu Timor-Leste nian primeiro hare’e’e uluk ba ita nia produtu ne’ebe mak bele responde ba ita nia nesessidade exemplu hanesan ita iha produsaun fo’os , maibe sei importa nafatin husi nasaun seluk hanesan indonezia ho vietnan hodi importa nafatin mai ita nia rai-laran tanba  ita iha quantidades ne’ebe labele responde ba nesessidade mercadu nian no ita rasik sedauk bele responde ba necessidades iha rai-laran, tanba ne’e mak politik governu nian oinsa atu responde no promove produtu rai-laran para responde nesessidade merkadu nian entaun  tenki identifika ba Ministerio agrikultura  para oinsa fo kapasitasaun  fo informasaun  fahe informasaun ba komunidade sira atu nune’e Governu bele fo  apoiu liu husi  material sira hanesan  trator sira ba iha komunidade sira hodi promove  no utilize fila fali  natar no to’os sira iha iha ita nia rai-laran, hodi hasae produsaun rai-laran atu bele responde ba nesessidade rai laran. (iha loron sexta 9/10/2020)

 

Bazeia ba hanoin iha leten mak hakerek nain hanesan peskizador atu konklui hanoin refere katak,  Estrategia Governu Timor-Leste nian hare’e’e uluk ba ita nia produtu ne’ebe mak bele responde ona ka lae ba ita nia nesessidade populasaun rai-laran, tamba barak ita nia produsaun rai-laran ho quantidades ne’ebe labele responde ba nesessidade mercadu rai-laran hodi responde ba necessidades komunidade Timor-Leste, hare’e’e husi parte balun ne’e mak politik governu nian oinsa atu responde no promove produtu rai-laran para responde nesessidade merkadu nian entaun  tenki identifika ba Ministerio agrikultura  para oinsa fo kapasitasaun  no informasaun  emesmu seluk mos habelar informasaun ou mutiva ba komunidade liu husi  apoiu material  no fini ba komunidade sira hodi promove  no utilize fila fali  natar no to’os sira iha iha ita nia rai-laran, hodi hasae produsaun rai-laran.

4.2.3.     Objetivu husi kooperasaun entre Governu Timor-Leste ho Governu Indonezia iha area  importasaun no exportasaun.

Tuir respondente hateten katak : Aktividades importasaun no exportasaun ne’e nia objetivu tanba iha nesessidade povu nian, tanba ne’e mak  mosu perdagangan tanba nasaun ida labele hamrik mesak persiza halo relasaun ba malu entre nasaun ida ho nasaun seluk hodi halo koperasaun ba malu liu husi aspektu  politiku, Ekonomi, Sosial kultural no seguransa, liu husi kooperasaun sira  ne’e persiza tau atensaun no kompleta malu no interese politik ho indonezia iha fronteira terestre besik malu persiza moos seguransa, no Ekonomi agora dadaun ita presiza fo’os no 9 bahan pokok ne’e dalabarak mai husi indonezia tanba ita presiza halo relasaun diak ho nasaun seluk hodi kopera hamutuk liu aspektu sira ne’e ho objetivu ba necessidade povu no interese nasaun nian. (iha loron segunda 12/10/2020).

 

Bazeia ba respondente nain tolu nia prespektiva jeral iha leten mak hakerek nain hakarak halo konklui katak aktividade koperasaun entre nasaun ne’e importante tamba laiha nasaun ida mak moris dependensia, nune mak nasaun Timor-Leste halao koperasaun ho nasaun Indonesia hanesan nasaun bezinho ne’ebe mak besik liu husi importasaun/exportasaun iha Timor-Leste liu husi Ministerio Comeercio e industria hodi atu kontorolu no promove  produtu  iha rai laran hodi exporta ba nasaun seluk no kompete iha Merkadu internasiona, No hare’e’e ba produtu ne’ebe mak bele responde ba ita nia nesessidade  iha rai-laran, tanba ne’e mak politik governu nian oinsa atu responde no promove produtu rai-laran para responde nesessidade merkadu nian.

 

4.2.4.     Papel Alfandega nian hodi hare’e’e kona-ba sasan sira ne’ebe tama no sai iha rai-laran no rai-liur.

Tuir respondente hatutan katak : Papel alfándega  nian atu kontrolu ba sasan tama no sai husi rai laran-no rai-liur  no kontrolu ba sasan illegal ou kontra bandu ne’ebe mak tama no sai iha rai laran, no misaun alfandega nian  atu garante seguransa publiku no profisional ba servisu Alfandega nian, kobra reseita ba estadu, Defende no proteje ba komersiu, no kontrolu movimentu ba sirkulasaun sasan no moos fasilita promosaun desenvolvimentu emprezarial nasional no investe externu. No halo kontrolu moos  ba sasan ilegal ka kontra bandu, no sasan sira ne’ebe tama no sai  la deklra iha dukumentu sei konsidere  sasan illegal ou kontra bandu entaun alfandega sei prende no hein prosessu legal selu multa  no selu impostu normal Tuir kodigo Aduaneira tuir dekretu lei No 44/2012, 7 Setembro, ba Lei Organika Ministeriu  Finansas nian hodi implementa lei ida ne’e ba ninia kna’ar no  prosessu dukumentu legal sira ne’ebe relasiona ho aktividade Aduaneira, No importador /Negosiante sei entrega dukumentus komersiu kona-ba sasan importa,karik sasan laiha dukumentus /illegal mak alfandega sei prende. (iha loron kinta 15/10/2020)

 

Relasiona ho esplikasaun husi respondente  husi instituisaun Alfandega mak hakerek nain konklui katak aktividades importasaun no exportasaun iha Timor-Leste atu kontrolu bamovimentu merkadoria ba sasan tama no sai husi rai-laran ba rai liur sasan sira ne’ebe tama no sai, sasan  ou produtu rai-laran ne’ebe exporta ba rai-liur prosidementu mak hanesan exportador tenki rekere utilizasaun rejime husi Diresaun Nasional das Alfandega kobra reseita ba estadu, Defende no proteje ba komersiu, no kontrolu movimentu ba sirkulasaun sasan no moos fasilita promosaun desenvolvimentu emprezarial nasional no investe externu.

                                                                                          

ANALIZA NO INTERPRETASAUN DADUS

Iha analiza dadus ida ne’e oinsa mak atu perimite peskizador atu halo analiza no interpreta kona-ba informasoens ne’ebe mak, hakerek nain hetan ona iha kampu peskiza liu husi prosessu entrevista ka husu no hatan, iha prosessu husu no hatan ida ne’e mai husi ideas oi-oin kona-ba Kooperasaun Bilateral entre governu Timor- Leste ho Governu Indonezia iha Area Importasaun no Exportasaun, Aktividade importasaun no exportasaun nee’ebe halao nia liu husi Ministerio Comeercio no Alfandega atu kontrolu sasan sira ne’be mak tamano sai husi rai-laran no rai-liur, no promove produtu sira iha ita nia rai laran hodi investe ba nasaun seluk, tamba Timor-Leste ohin loron Ekonomikante sei dependente makas ba Nasaun seluk tanba aktividade exportasaun Timor Leste nian sei menus uo quantidade ne’ebe sei kiik tebes atu  responde ba  necessidade povu nian  iha rai-laran, tanba ne’e mak Timor-Leste kontinua halo kooperasaun ho nasaun seluk liu husi aspektu oioin hanesan aspektu politiku economia, Sosial kultura,  seguransa nst. Liu husi aspektu sira ne’e mak bele hametin liu tan relasaun bilateral entre Timor-Leste ho Indonezia  hodi halo kooperasaun ba malu, apoiu malu, suporta malu, iha area oioin ho Objetivu ba nesessidade povu nian. aktividade koperasaun entre nasaun ne’e importante tamba laiha nasaun ida mak moris dependensia, nune mos hanesan nasaun Timor-Leste halao koperasaun ho nasaun Indonesia hanesan nasaun bezinho ne’ebe mak besik, liu husi importasaun/exportasaun.

Hosi análiza rezultadu peskiza ida ne’e peskizador atu deskreve katak Kooperasaun entre governo Timor-Leste ho governu indonezia lao diak nu’udar esforsu ida entre nasaun atu atinji objetivu hamutuk, kooperasaun ne’e akontese hosi interese hanesan, ne’ebé sai baze atu responde ba problema ne’ebe nasaun rua infrenta liu hosi mekanismu kooperasaun ida espesialmente iha areia importasaun/exportasaun ba atinji nesesidade nasaun rua nian. Tamba laiha nasaun ida iha mundu mak moris mesak, maibe tenki halo dependensia ba malu entre nasaun ida ho nasaun seluk hodi atinji objetivu ruma. Bazeia ba rezultadu peskiza  ne’ebe mak esklare ona, mak peskizador halo sengkronizasaun ho enkuadru teori husi  peritus  Soekanto  (1990:72)  hateten katak  : “Kooperasaun nu’udar esforsu ida entre ema individua ka grupu atu atinji objetivu ruma hamutuk, fundasaun hosi kooperasaun ne’e akontese hosi interese ne’ebé hanesan iha ne’ebé fundasaun ne’e rasik sai baze atu resolve problema oioin hamutuk liu hosi mekanismu kooperasaun ida.”

Liu  husi matenek nain nia hanoin iha leten, mak hakerek nain konklui katak, kooperasaun ne’e hanesan deit laiha nasaun ida mak iha mundu mak moris depedensia, maibe tenki halo interdependensia ba malu entre nasaun ida ho nasaun seluk atu alkansa nesessidade hamutuk. No kooperasaun ne’e rasik akontese Tamba iha dejeju hosi ema individu, grupu ka nasaun sira,  atu servisu hamutuk ho ne’e atu bele apoiu no suporta malu liu husi aspektu ekonomia ba aktividades importasaun no exportasaun.

Ne’ebe importasaun hanesan aktividade negosiasaun internasional  ne’ebe hatama sasan propdusaun husi nasaun ida ba nasaun seluk. liu aktividadees importasaun no exportasaun hansan aktividades hatama sasan no hasai sasan  husi nasaun ida ba nasaun seluk atu kompleta no responde ba necessidade povu nian. Bazeia ba rezultadu ne’ebe mak esklare no halo sengkronizasaun tuir Tanjug (2011:379) hatete katak. Transaksaun importasaun hanesan negosiasaun ne’ebe maka buka hodi hatama sasan-sasan sira ne’ebe bele koresponde tuir lei ne’ebe maka prega ona iha konstituisaun, no bele fo nia benefisu ne’ebe simples, no tuir sosa nain no produtor husi vendedor husi nasaun seluk ne’ebe diferentes ho moeda (money) no regras asosiasaun tenki iha lurku bisnis ne’ebe mak as, tan ne’e maka forma individu liu husi liafuan ne’ebe maka deside. Kontunuasau hanoin moe mai hosi pritus  Ibnu Syeh Fajar Katak exportasaun hanesan negosiasaun ho maneira haruka sasan husi nasaun laran ba liur no halo tuir no iha folin.

Bazeia ba ideia sira ne’ebe maka mensiona ona iha leten hakerek nain deskreve katak, importasaun no Eksportasaun hanesn asaun ne’ebe akontese tanba iha benefisiu ne’ebe realiza rezultadu transaksaun negosiasaun husi nasaun liur. Negosiasaun ne’ebe hetan benefisiu no kapasidade konsumidores ou hola nain husi nasaun ida ne’ebe hetan, desenvolvimentu no foti tan kna’ar seitor ne’ebe sai nain ba koperativa tanba iha efisensia ba faktor produsaun. jeralmente nu’udar asaun atu hasai sasan ka komodita sira husi rai laran no hatama ba nasaun sira seluk. Atu importasaun no Eksportasaun sasan sira no kuantidade boot baibain presiza intervensaun husi Álfandega husi nasaun ne’ebé haruka sasan no mos ida ne’ebé simu sasan.

Aktividade importasaun no exportasun nu’udar atividade negosiasaun ida ne’e be prioridade liu iha nasaun ida nia laran, Dekretu liu husi N^o 5/2007, publika liu husi jornal Republika iha loron 22 fulan  Agusto tinan 2007. tanba liu husi importasaun no expotasaun ne’e rasik maka bele hametin liu tan amizade entre nasaun ida ho nasaun seluk, aleinde amizade exportasun mos lori nasaun refere nia naran ba mundu.

LIAN MAK-TAKA

5.1.    Konkluzaun

 

Servisu Ministerio Comercio Industria e Ambiente presija kria sistema ne’ebe diak atu nune’e bele halo kooperasaun ho nasaun seluk  iha aktividades importasaun no exportasaun hodi kontrolu no promove ba  produtu  sira ne’ebe  mak tama no sai  iha rai-laran.

Tenki Promove  moos produtu lokal sira iha rai-laran hodi  investe ba iha nasaun seluk. Iha parte seluk mos tenki Tau atensaun ba iha area agrikultura hodi  promove ita nia produtu sira iha rai-laran atu  bele exporta mo’os ba nasaun seluk hodi hamenus  ituan sasan  importasaun husi nasaun seluk, e persija mo’os servisu hamutuk ho Ministerio Agrikultura hodi bele garante ba produtiu iha rai laran.  Lidun seluk Servisu Ministerio Comercio Industria e Ambiente  ho Ministerio Agrikultura persija koopera hamutuk ho komunidade Agrikultura sira, hodi bele promove no hasai komunidade sira nia  produtu  iha rai-laran atu bele atinji nesesidade rai-laran  no bele kompete moos ba iha merkadu internasional.

5.2. Sujestaun

1.     Ba Instituisaun Ministerio Comercio Industria e Ambiente tenki servisu makas liu tan no hasae rekursus humanus halo diak hodi promove ita nia produtu sira iha rai-laran, hodi hamenus tiha sasan importasaun husi nasaun seluk, atu nune’e labele dependente demais ba sasan  importasaun husi nasaun seluk.

2.     Fahe informasaun no apoiu ba komunidade sira  iha area Agrikultura hodi promove produtu komunidade sira nian iha rai-laran  atu nune’e labele dependente demais ba produtu importasaun husi nasaun seluk,tanba jeralmente Timor-Leste sei dependete makas ba sasan importasaun husi nasaun seluk.

3.     Husu ba Ministerio kompetente hanesan ministerio  agrikultura tenki tau atensaun ba iha area agrikultura hodi promove produtu rai-laran tanba  Timor-Leste sei  menus rekursus humanus ba  iha area agrikultura.

 

 

 

 

 

 

BIBLIOGRAFIA

LIVRU

Sugiyono, 2014, Metode Penelitian Kuantitatif, Kualitatif dan R & D, Cetakan ke-247, Penerbit Alfabeta, Bandung

Sambang, RJ 2013, Hukum Ketenagakerjaan, Cetakan I, CV Pustaka Setia, Bandung

Maia, J 2016, Pemerintahan Lokal, Cetakan I, Waidera Printing, Dili.

Khasan, A 2015, Kamus Hubungan Internasional, Cetakan I, Nuansa Cendekia, Bandung

Tim Penyusun Kamus Bahasa Indonesia Departamen Pendidikan Nasional, 2008, Kamus Bahasa Indonesia.. Pusat Bahasa, Jakarta.

 

MANUAL

 Mata Kuliah Kerjasama Internasional Dosen Marinho ( paj  2)

-T .May,Rudy Hukum Internasional 2017,

Widodo hukum diplomatic dan konsoler pada era globalisasi 2009 Surabaya

-S. Suryokusumo 2005, hukum diplomatic teori dan kasus 2005 Bandung

-Makarim wibisono 2006 Tantangan Diplomasi multelateral hal.1.21

-T.May Rudy 2011 Hubungan internasional kontemporer dan masal-masalah global.Ce

Bandung .Hal.11-22 &31-3

-Donald E.Weatherbee Inetrnational Relations in South ASIA 2005 New York  Oxford.Hal.120&187

-S.Suryokusmo Hukum Organisasi Internasional ceetakan 2010 jakarta hal 33-44

-Lyin H.Miller Agenda politik Internasional cet.I 2006

-Thomas J.Volgy and Alison Bailin International politiics and state Strength 2003

-Robert Jackson & Georg Sorensen pengantur Study Hubungan Internasional 2009

Jakarta

 

 

LEI

Konstituisaun RDTL. 2002

Jornal da Republica. Serie I, N^o 7. Terça-Feira, 21 de Fevereiro de 2012.

 Aktividade Importasaun no exportasaun Governnu Timor-Leste  Dekreto lei N^o 5/2007, Publika iha jornal Republika  loron 22 fulan Agusto tinan 2007.kona ba governu aprova ona aktividade importasaun no exportasaun.

 

INTERNET

Curry(2001) https://www Zona Referensi.com/pengertian Negara  Ilmu pengetahuan umum menurut para ahli ,secara umum dan menurut kkb dan pengelasan lengkapnya smoga bisa menanbah wawasan pengetahuan.Last updated 28 September 2018 oleh Zakky.

Tanjug (2011:379) https://www.karyatulistiku .com.pengertian –aktivitas belajar-menurut para-ahli-Beserta suumber Daftar pustaka.

https://www.karyatulisku .com /2017 /09/24-

pengertian-belajar  -menurut –para ahli.html.

Ibnu Syeh Fajar, (2013:3) “Pengaruh Ekspor-Impor Dan Indeks Harga Konsumen (IHK) Terhadap Pertumbuhan Ekonomidi Indonesia”. Universitas Islam Negeri Syarif Hidayatulloh.

Basuki Pujoalwanto, (2014:128), Perekonomian  Indonesia: Tinjauan  Histori, Teoritis, dan Empiris, Yogyakarta: Graha Ilmu,.