FINADU

 

Saida mak FINADU ne'e M...A...MA.....??????

        Liafuan Finadu mai hosi lia Latín "fīnis" ne’ebé signifika fin ka hotu ona, no adota mai lian portugés liu-hosi verbu "finar" ho forma partisipiu pasadu “finado”, katak hotu ona, mate ona, to’o limite ona ka to’o ona ninia rohan. Tanbá ita ema moris sempre iha fin ka rohan atu lakon.

Ita ema nia moris hasoru faze bo'ot tolu, mak hanesan :

1.     Ita mosu mai (APARESIMENTU). Ema moris mai iha mundu ne'e ho misaun atu moris iha moris tuir Maromak nia natureza ne'ebé atu sai boot no dezenvolve. Atu sai boot no ema hotu presiza mantein sira-nia moris husi buat oioin ne'ebe mai husi laran no husi li'ur. Durante labarik, prosesu ne'e defeza moris sei hetan asisténsia husi sira-nia inan-aman rasik. Maibe bainhira Labarik sira tama ba idade adultu, iha dezafiu barak iha sira-nia moris ne'ebé tenke deside mesak deit. Ida ne'e relasiona diretamente ho objetivu atu mantein kontinuidade nia moris.

2.     Ita iha no moris (EZISTÉNSIA). Moris-hias husi ema ida-idak nia moris-hias ne'e determina liu husi abilidade husi ema ida-idak atu rezolve problema ruma ne'ebé mosu ka akontese iha ninia moris ho kreativu, tantu skala bo’ot no ki’ik. Nunee mós iha aspetu oin-oin husi moris, ema ida-idak presiza sente kriatividade koñesiva. Tanba ema uza kriatividade koñesiva hanesan dalan ida atu rezolve dezafiu oioin, tantu husi parte Edukasaun, Ekonomia, Saúde, Polítika No Área Sosiál sira. Iha ona progresu Teknolojia kontinua hadi'a no populasaun ne'ebé hamosu esplosaun kontinua akontese akompaña husi redusaun iha fornesimentu rekursu naturál sira-nia ezijénsia sira individuál sira atu adapta kriativamente no buka solusaun ba problema ne'ebé iha imajinativu.

3. Ita lakon ka mate (DEZAPARESIMENTU). Mate mak parte ida-ne'ebé labele haketak husi ema nia moris. Ema hotu iha mundu ne'e sei mate. Mate Laos de'it katuas sira mak hetan esperiénsia, maibé mós ema sira ne'ebé sei joven, labarik no bebé sira. Ema ida bele mate tanba moras, idade boot, asidente etc. Se ema ida mate, mate la'ós de'it akontesimentu ne'ebé akontese envolve sira-nia an rasik maibé envolve mós ema seluk, liuliu mak ema mate ne’e husik hela no bele hamosu terus ba ema ne'ebé mak moris Domin ba ema ne’ebe mate.

Tamba ITA EMA NIA MORIS hasoru faze bo'ot tolu ne’e, mak hahú kedas hosi Sékulu II, iha ona sinál katak ema sarani hotu reza ba sira-nia maluk ne'ebé mate ona no vizita sira-nia rate. Nune'e, la kleur de'it Igreja Katólika tau tiha ida-ne'e ba ninia kostume no iha Sékulu V sai nu'udar toman ida hodi dedika loron ida kada tinan atu reza ba ema hotu ne'ebé mate ona, liu-liu ba sira hirak-ne'ebé la iha família atu reza ba sira-nia klamar.

        Iha momentu ne'ebá seidauk iha data fiksu ba loron finadu. Nune'e, iha Sékulu XIII maka responsavel Igreja sira hili no universaliza loron 2 Novembru nu'udar data fiksu no obrigatóriu hodi komemora finadu iha mundu Katóliku tomak. Sira hili data ne'ebé tuir kedas loron selebrasaun ba Santu hotu-hotu, maka 1 Novembru. Kona-ba selebrasaun loron Santu hotu-hotu nian ne'e, iha tinan 835 h.K, maka Papa Gregório IV hili data ne'e hodi reza no hanoin hikas no fó-omenajen ba matebian sira-ne'ebé uluk dedika-an tebes iha fiar sarani nian maibé  haluha atu reza ba sira (heróis da fé).

        Tuir istória no orijen iha leten, loron 2 Novembru nu'udar feriadu Katóliku ba ema sarani sira hodi reza ba sira ne'ebé mate ka iha ona fin ba sira-nia moris (finadu = fin ka rohan ba moris). Ba país sira-ne'ebé dominante ho Katóliku adota mos loron ne'e ba feriadu Nasionál, ezemplu Timor-Leste no mós país sira seluk tan. 
        Tanbá uluk liu, molok kolonizasaun portugeza, ita-nia beiala sira sei jintiu hela no ita-nia fiar maka animizmu (fiar ba be'e-matan lulik, fatuk, ai no foho lulik sira, nss.) deit, nune'e ita seidauk ka la komemora loron ne'e. Maibé hafoin tiha Portugál tama hodi koloniza rai Timór no halekar fiar Katólika no hahú fó sarani ema sira, maka ita mos hahú selebra loron ne'e tanbá ema sira-ne'ebé sarani ona mate no hakoi tiha tuir tradisaun Katóliku no kultura nian. Nune'e, to'o ohin loron tradisaun ida-ne'e buras ona iha ita-nia kultura no grupu étniku ida-idak selebra kahur ho lisan lokál ne'ebé iha, hanesan ema moris (ezisténsia) tau loron ida ne'ebe mak familia bo'ot husi kada lisan halibur hodi halo soru-mutu iha idak-idak nia knu'a hodi reza ba sira heróis da fé.

Liafuan Xave : Aparesimentu, Ezisténsia, Dezaparesimentu.

 

Hakerek nain fiar katak liu testu badak ne'e bele ajuda ita atu kompriende sa'ida maka Finadu.  

 

"Bom Finado ba ita hotu"