ANALIZA INOVASAUN KULINARIU VENDEDOR AMVOLANTE AI-HAN HUSI SOSIADADE IHA TIMOR-LESTE”

 Autor : João Antonoio Soares, Lic.CSH.,M.AP (ID: 0301.0310.092) no Frans Belarmino Dos Santos Menezes. SE.,M.Si., (ID:0102.2B.070884)

Abstratu

Negosiu kulinariu ka negósiu ai-han mak negósiu ida-ne'ebé eskala uma-kain ne'ebé iha oportunidade di'ak ba agora no iha futuru. Iha merkadu bisnis iha kapital nasional (Dili), nesesidade Vendedor Amvolante kantinan Estrada ibu ka ninin, kontinua suli. Maibe realidade mak iha, se menus kreatividades husi sosiadade hodi hola parte iha Negosiu kulinariu hodi espresa sira nia abilidade kreativu e inovasaun ba publiku liu husi aktividades empreendedorismu kulinariu. No razaun seluk mos sosiadade barak hakarak babuka servisu iha rai liu hodi halibur fundus ne’ebe bele sustenta ba sira nia-an, no familia. Parte balun mos sosiadade sira dehan, katak iha rai laran menus kompu servisu ne’ebe mak sira sosiadade barak la bele asesu ba kampo servisu hodi afeta ba sira rendimentu. Sorin seluk mos Sosiadade barak mos kestiona katak sira laiha fundus, hodi sira bele atu kria sira nia negosiu ruma,nsst.

Meismu sosiadade wain hola parte iha formasaun ne’ebe iha, maibe sira barak mos mak laiha konseinsia atu utiliza siensia ne’ebe mak sira hetan hodi implementa iha sira nia moris. Liu husi peskiza ida ne’e bele atinji objetivu; 1) Atu buka hatene klean liu-tan  kona ba Partisipasaun Sosiadade  Ba Inovasaun Kulinariu iha Nasaun Timor-Leste rasik. 2) Atu analiza kona-ba dezefiu no oportunidade Sosiadade  Ba Inovasaun Kulinariu Nasaun Timor-Leste rasik. 3) Atu deskreve kona-ba Oinsa Partisipasaun Sosiadade  Ba Inovasaun Kulinariu Vendedor Amvolante Ai-Han iha Timor-Leste. Metodologia peskiza ne’ebe ekipa peskizadór utiliza iha peskiza ida ne’e mak SOWT Analiza No kualitativu deskritivu, ba dadus primaria hodi halo analiza no intepreta Tuir peritus Milles and Huberman iha livru Sugiyono 2018, ho tekniku halibur dadus no tekniku analiza dadus.

Rezultadu husi peskiza hatudu katak Vendedor Amvolante Ai-Han  kulinariu hatudu ona sinal positivu tanba bele kria ona kampu trabalho ba sira nia an rasik, no mos halo inovasaun wain husi sira nia abilidade kreativu hanesan kombinasaun kulinariu ai-han husi eropa no asean (Indonesia) nsst, Konkluzaun husi peskiza ida ne’e hatudu katak; Bainhira vendador Amvolante kulinariu ai-han timor oan atu kompete ho ema estranjeru mak pasu principal mak estratejia potensial ba krisimentu mak Konsidera buka investidór sira, Halo planu marketing, Planu primeiru boot no Planu atu uza software kontabilidade, atu nenu vendador Amvolante kulinariu ai-han timor oan bele compete no promove ai-han kulinariu original timor ba konsumidoris internu no konsumidoris eksternu sira.

Liafuan xavi : Analiza, Inovasaun, Kulinariu, Vendedor Amvolante,                                Sosiadade.