POLITIKA EMPODERAMENTU FETO POTENSIAL

 Autor : Frans Belarmino D.S. Menezes

Republica Democratica de Timor-Leste independentemente proklama iha loron, 28 de Novembro 1975 no restaura hikas iha loron, 20 de Maio de 2002 ho baze ba Artigu 6 Konstituisaun RDTL foku ba Objetivu estadu iha letra (g) Garante dezenvolvimentu ba ekonomia, ba progresu siénsia no téknika; (i) Promove dezenvolvimentu ida-ne’ebé nakait kabeer ba setór oioin no rejiaun sira, no mós fahe loloos produtu nasionál nian; no (j) Hamoris, promove no garante biban no leet ne’ebé hanesan ba ema feto no mane.

Kondisaun ne’ebé atu dezenvolve empoderamentu feto potensial Timor-Leste, sai preokupasaun ba intidades hotu no parseiro desenvolvimentu sira hodi halo programa no aktividade principal iha prosesu dezenvolvimentu ho balansu jeneru ne’ebé forte hodi la husik ema ida hela iha kotuk iha linha vunurabilidade. Responsavelidade ba programa empoderamentu feto ne’ebé assume husi pontu fokal Secretaria Estadu Igualdade no Inkluzaun (SEII) atu kontinua prepara plano empoderamentu iha kurto, mediu no longu prazu.

Menus asesivilidade ba informasaun iha asepeitu desenvolvimentu programa empoderamentu ba feto potensial. Parte seluk mós assume husi pontu fokal ne’ebé mak seidauk haklean no habelar ba feto potensial, hodi halo partisipasaun feto iha aktividade empoderamentu iha nasional to suku la maksimu, tandeit menus informasaun. Enkantu iha parte seluk mos tanba menus asistencia formasaun ne’ebé adekuadu husi pontu fokal SEII Municipiu to suku ba feto potensial hodi bele esforsu atu fó kbiit ba feto sira atu hetan asesu no kontrolu ba rekursu, ekonomia, polítika, sosiál no kulturál sira, atu nune'e feto sira bele regula an no hasa'e sira-nia konfiansa atu bele hala'o papél ativu no rezolve problema sira. tanba liu husi asistencia formasaun ba feto potensial sira mak parte ida husi empodera iha abililidade no kapasidade.

Bazeia ba kondisaun konkreta neébe iha leten mak partisipasaun feto potensial iha aktividade ekonomia iha uma laran sai fator determinante hodi apoiu laen sira ba sustenta familia, atividade konkreta sira ne’e mak hanesan ; servico iha instituisaun estadu, privadu, sai bisnismen, emprezariu no negosiante hodi buka osan ba apoiu familia. Esforsu hakbi’it Feto potensial bele hala’o hanesan : aumenta konsiensia igualdade aprende, kreatividade, inovativu no trenamentu, tanba iha sosiadade Timorense sempre asosia feto sai hanesan klase segundu (Subordinadu) hodi depende deit ba mane.

Haree husi aspeito sosio-ekonomia feto potensial iha nivel nasional to suku ligadu ho programa importante husi Sescretaria Estadu Igualdade no Inkluzaun neébe planeado ona kada tinan mak HAKEREK NAIN identifika problema hanesan :

1.     Menus asesivilidade ba informasaun iha asepeitu desenvolvimentu programa empoderamentu ba feto potensial.

2.     Menus asistencia formasaun ne’ebé adekuadu husi pontu fokal SEII Municipiu to suku ba feto potensial.

 

Parte balun mós persiza asistencia formasaun ne’ebé adekuadu husi pontu fokal Secretaria Estadu Igualdade no Inkluzaun (SEII) ne’ebe mak desloka deit iha kada Municipiu,  maibe se diak liu mak kria pontu fokal ba politika empoderamentu feto potensial ida ne’ebé hahu husi nasional to suku. Hodi bele fo biban ba feto potensial sira hodi asesu ba servico iha instituisaun estadu, privadu, sai bisnismen, emprezariu no negosiante hodi buka osan ba apoiu familia iha parte internu no kresimentu ekonomia nasional eksternumente. Ne’ebe sinkronaliza ho hanoin Prof. Haryono Suyono (2014:21), hateten katak empowerment feto sira dala barak refere hanesan "kualidade moris ne'ebé di'ak liu feto sira," liuliu esforsu ida hodi empower moris feto sira iha área oioin, inklui ekonomia, edukasaun, sosiál, komunikasaun, informasaun, no seluk tan, atu nune'e sira livre husi probreza no moris ne’ebé iha kotuk.

Bazeia ba esklaresementu peritus iha leten mak, politika empoderamentu feto potensial ne'e maka dalan estratéjiku atu hasa'e potensiál feto sira-nian no hasa'e kna’ar feto sira-nian iha domíniu eksternu no mós iha internu liu husi dalan asistencia edukasaun, formasaun no  habelar informasaun ba feto potensial sira atu hola biban iha dezemvolvimentu hodi asesu ba servico iha instituisaun estadu, privadu, sai bisnismen, emprezariu no negosiante hodi buka osan ba apoiu familia.

 

Konkluzaun

Dezenvolvimentu empoderamentu feto potensial Timor-Leste, ne’ebé persiza asistencia formasaun ne’ebé adekuadu husi pontu fokal Secretaria Estadu Igualdade no Inkluzaun (SEII) ne’ebé tenser desloka hahu husi nasional to suku, tanba politika empoderamentu feto potensial ne'e maka dalan estratéjiku liu husi asistencia edukasaun, formasaun no  habelar informasaun ba feto potensial sira atu hola biban  iha dezemvolvimentu hodi asesu ba servico tantu iha instituisaun estadu, privadu, sai bisnismen, emprezariu no negosiante hodi buka osan ba apoiu familia.

Rekomendasaun

Bazeia ba fenomenu sira ne’ebé antes esklarese ona mak AUTOR mos mai ho hanoin atu suzere hela ba :

A.    Secretaria Estadu Igualdade no Inkluzaun (SEII)

1.     atu halo identifikasaun ba feto potensial hahu husi baze (suku)

2.     atu nafati tau politika ida ne’ebé seriu ba iha formasaun ba feto potensial sira.

3.     atu tau pesoal pontu fokal sira to iha suku hodi bele halo asistencia edukasaun, formasaun no avaliasaun.

4.     Atu promove abilidade no badaen feto potensial sira nia kreativu liu husi halo pameran tantu iha postu administrative to nasional.

B.    Sosiadade feto potensial

 

1.     Atu utiliza oportunidade ne’ebé mak Secretaria Estadu Igualdade no Inkluzaun (SEII) liu husi pontu fokal sira rejiaun.

2.     Atu partisipa iha aktividades empoderamentu sira iha suku to nasional.

3.     Persija dezemvolve an rasik, hodi partisipa maksimu iha dezemvolvimentu nasional ba kresimentu ekonomia familia.

 

 

 BIBLOGRAFIA

 

Livru

Suyono, Haryono. 2014.”Pembangunan dan Pemberdayaan”, Bandung, Alfabeta. Ife, Jim. 

Dokumentu

Konstituisaun RDTL.2002. Assemblea Constituinte. Avanca Graphic Design