PAPEL LIDERANSA KOMUNITARIA HODI HALO MEDIASAUN BA KOMFLITU RAI ENTRE FAMILIA IHA SUKU LEGUIMEA, POSTU ADMINISTRATIVU ERMERA, MUNICIPIO ERMERA.

 

Author: QUINTᾸO MADEIRA DOS SANTOS. (17.03.03.010)

Co‑Author (Joao Francisco Maia, Lic.CSH.,MDS) no (Frans  B.D.S.Menezes,SE.,M.Si)

Abstratu

Rai ou terretoriu hanesan instrument importante husi nasaun ida. Ba  nasaun Timor-Leste ida ne’ebe hanesan nasaun agraria no importante ba dezemvolve moris humana. Ne’e mos hanesan fenomena estoria iha kultura no civilização humana, espesial iha era agraria ne’ebe rekursu hanesan rai, hahu kaer papel importante ba produsaun necesidade humana. Iha parte seluk, rai mos sai hanesan kapital basiku ba administrasaun moris estado no kriasaun prosperidade moris sosiadade. Autoridade suku sira hola papél ida importante tebes, hodi hala’o knaar iha maneira ida efikáz hanesan ponte ida entre membru komunidade oioin no sira ne’ebé hakarak involve ho sira. Bazeia introdusaun iha leten, mak hakerek nain iha motivasaun atu hakerek obra sentifiku ho tema Papel Lideransa Komunitaria  Hodi Halo Mediasaun Ba Komflitu Rai Entre Familia Iha Suku Leguimea Postu Administrativu Ermera Municipio Ermera. Hakerek nain ba obra seintifiku Relasiona ho antese’edente iha leten maka hakerek nain identifika ona problema mak hanesan tuir mai ne’e: 1) Sei menus konsiensia kona-ba baliza rai, 2) komunidade Sei menus konsidera Lideransa komunitariu hodi halo mediasaun ba komflitu rai entre familia, 3) Menus sosializasaun husi lideransa komunitaria kona˗ba lei agraria ba komunidade, 4) Sei menus aplikasaun Poder  Lideransa komunitariu lokal tuir lei ne’ebe iha hodi prevene komflitu entre Familia.

Bazeia ba introdusaun no Identifikasaun Problema ne’ebe iha, hodi formula maka: “Oinsa Lideransa komunitariu halo mediasaun ba komflitu rai entre familia”..? Bazeia ba objetivu ne’ebé atu atinji iha peskizasaun ida ne’e  mak  utiliza enkuadramentu literaria ne’ebe Kompostu husi Teoria Papél, Teoria Lideransa, Teoria komunitariu, Teoria mediasaun, Teoria komflitu, Teoria rai, Teoria familia. Tipu peskiza ne’ebé uza iha peskiza ida ne’e mak Kualitativu Deskritivu katak atu observa fenomena sira ne’ebé akontese iha fatin peskiza ho faktu ka realidade hanesan ho kondisaun ne’ebé lolos liu hosi fontes dadus Primariu no Sekundariu, Tékniku Halibur Dadus, Instrumentu Peskiza no Téknika Análiza Dadus.

Hosi análiza rezultadu peskiza ida ne’e peskizador atu deskreve katak durante ne’e iha linha kondenasaun entre servisu Lideransa komunitaria iha Suku Leguimea ho Diresaun Nasional Prevensaun Konflitus Komunitaria, no mos ho komunidade sira ne’ebe mak involve iha desputa rai ne’ebe mak akontese iha suku Leguimea. Bazeia ba hanoin iha leten nu’udar peskizador halo konkluzaun katak hanesan Lideransa Lokal tenki iha abilidade, responsabilidade no kreatividade ho hamosu ideia ne’ebé diak no bele fo influênsia ba ema individo ou grupu ne’ebé moris iha komunidade ida, hodi bele atinji objetivu ne’ebé positivu liu husi aprosimasaun no mediasaun, liu-liu hare’e liu ba implementasaun fasilita mediasaun konaba konflitu rai iha Suku Leguimmea.

Liafuan xave : Papel, Lideransa, Komunitaria,  Mediasaun, Komflitu, Rai, Familia.

LIAN MAKLOKE

1.1.Antesedente

Rai ou terretoriu hanesan instrument importante husi nasaun ida. Ba  nasaun Timor-Leste ida ne’ebe hanesan nasaun agraria no importante ba dezemvolve moris humana. Ne’e mos hanesan fenomena estoria iha kultura no civilização humana, espesial iha era agraria ne’ebe rekursu hanesan rai, hahu kaer papel importante ba produsaun necesidade humana. Iha parte seluk, rai mos sai hanesan kapital basiku ba administrasaun moris estado no kriasaun prosperidade moris sosiadade, hanesan ne’ebe mak hatur ona iha Konstituisaun Repúblika Demokratika Timor-Leste (KRDTL) artigo 54, konaba dereitu ba prosperidade privadu ne’ebe hateten iha  Seksaun dahuluk “Ema hotu-hotu iha direitu ba propriedade privada, no bele fó ba ema seluk, bainhira sei moris no mós bainhira mate, tuir lei nia lala’ok”. Seksaun dahaat “Ema sidadaun nasionál de’it maka bele iha direitu ba propriedade privada ba rai”.

Bazeia ba esklaresementu iha leten maka kontrolu propriedade nain ba rai sai protesaun lei legal. Maibe realidade rai sai intimamente tebes relasoniadu vida moris humana, ne’ebe bele dehan katak kada momentu ema sempre relasoniadu ho rai. Ema hotu persija rai no laos deit iha tempu moris, to mate deit mos sempre relasoniadu ho rai. Ho nune maka rai sai importância ba nesecidade humana. Tamba ema hanesan kriaturas social (zoon politicon) Ne’ebe sempre dependensia ba malu.

Husi relasionamentu  ne’e rasik, maka sempre mosu fenomena social hanesan konflitu ne’ebe kauza husi deferente intrese. Exmplo kokreta ida mak konflitu ba disputa rai ne’ebe sempre akontese iha sosiedade inklui mos Timor Leste hanesan realidade hatudu katak iha municipio Ermera kazu disputa rai, sempre akontese entre aldeia, komunidade, nomos entre familia. Dala-wain konflitu akontese tamba intrese privadu husi familia ne’ebe maka hakarak domina nain ba rai, sorin balun mos tamba muda baliza ba plantasaun kaffe no to’os, hanesan konflitu ne’ebe iha Suku Leguimea, municipiu Ermera. Problema disputa  rai ne’e akontesi tamba baliza plantasaun ne’ebe maka sempre muda ba-mai husi autor nain rua ne’ebe see iha ralasaun familia, ne’ebe mak la kria amizade entre familia rua. Autoridade suku sira hola papél ida importante tebes, hodi hala’o knaar iha maneira ida efikáz hanesan ponte ida entre membru komunidade oioin no sira ne’ebé hakarak involve ho sira. Iha Timor-Leste ohin-loron, lideransa suku hetan nafatin nível lejitimidade ne’ebé aas hosi membru komunidade, tan-ne’e konsidera bele reprezenta liu interese hosi komunidade nian bá governu.

Bazeia ba situasaun no konsidisaun ne’ebe haktuir iha leten, mak hakerek nain iha motivasaun atu hakerek obra sentifiku ho tema Papel Lideransa Komunitaria  Hodi Halo Mediasaun Ba Komflitu Rai Entre Familia Iha Suku Leguimea  Postu Administrativu Ermera Municipio Ermera.

1.2.Identifikasaun Problema

Relasiona ho antese’edente iha leten maka hakerek nain identifika ona problema mak hanesan tuir mai ne’e:

1.     Sei menus konsiensia kona-ba baliza rai

2.     komunidade Sei menus konsidera Lideransa komunitariu hodi halo mediasaun ba komflitu rai entre familia.

3.      Menus sosializasaun husi lideransa komunitaria kona˗ba lei agraria ba komunidade

4.     Sei menus aplikasaun Poder  Lideransa komunitariu lokal tuir lei ne’ebe iha hodi prevene komflitu entre Familia.

1.3.Formulasaun Problema

Bazeia ba introdusaun no Identifikasaun Problema ne’ebe iha, hodi formula maka: “Oinsa Lideransa komunitariu halo mediasaun ba komflitu rai entre familia”..?

Enkuadramentu Teorika

Bazeia ba introdusaun, Identifikasaun, no formulasaun iha leten maka atu reforsa ba esklaresementu refere mak hakerek nain utiliza enkuadrumentu literasia hanesan :

4.1.Teoria Papél.

Tuir Peritus nain, Dewi S. Baharata (1983:375) iha disionariu lian Indonesia ne’ebé hateten katak papél hanesan parte husi servisu ka mandatu prinsipal ne’ebé tenke hala’o. Relasiona ho hanoin balun husi Peritus nain iha leten maka Meredith Belbin (1981:114) klarifika klean liu tan konaba papél hanesan individu ne’ebé iha ideias, kreatividade, kargu no dalaruma kontribui halo aprosimasaun foun oinsa atu rejolve problema.

4.2.Teoria Lideransa.

Tuir Kartini Kartono (1994:33) lideransa hanesan individu ida ne’ebé iha abilidade no espesialidade ida, área ida, hodi nune’e bele fo influênsia ba ema seluk hodi hamutuk hala’o aktividade refere, atu atinji objetivu ne’ebé iha.

4.3.Teoria Komunitariu.

tuir Peritus nain Antropologia (R. Linton) komunidade hanesan grupu ida ne’ebé moris nanis hamutuk no servisu hamutuk, tamba ne’e sira bele organiza-an hodi hanoin kona ba unidade sosial ho baliza sira seluk. Assuntu hanesan hatutan husi PAUL B. HORTON katak komunidade hanesan moris hamutuk komunidade ho relative independen ne’ebé moris hamutuk iha tempu barak, ne’ebé koloka hamutuk iha área refere, iha mos kultura ne’ebé hanesan no iha kolaborasaun diak iha servisu aktividade ruma.

4.4.Teoria Mediasaun.

Gary Goodpaster (1995:17) Hateten katak mediasaun hanesan prosesu negosiasaun hodi resolve problema maibe hetan apoiu mos husi ema terseiru  ne’ebe neutru no la inklina ba parte rua  ne’ebe maka la involve iha konflitu tanba posizaun ema parte terseiru  atu faselita parte rua hodi bele hetan solusaun ba konflitu ne’ebe akontese.

4.5.Teoria Komflitu.

Jhon Collier no Vaughan lowe (2001:11), fo nia definisaun konaba konflitu hanesan hahalok ne’ebe hamosu inimigo jeralmente entre parte ida-idak ne’ebe sempre  la focus. Kontinuasaun husi J.Dwi  Narwoko, (2013:16-17) ne’ebe fo definisaun konflitu hanesan problema deszentendementu ne’ebe akontese entre parte rua, fo inportansia ba iha valor fiar nian ne’ebe mosu hanesan formula foun ne’ebe hamosu mudansa social, hodi difikulta eransa. Konflitu mosu bainhira deit no iha ne’ebe deit aktividade ne’ebe la hanesan bele hamosu konflitu no sei lases husi mudansa social.

4.6.Teoria Rai

Tuir Jacob S.Joffe (1949:43), Rai hanesan natureza ida ne’ebe hatur husi parte rai maran no hanesan planeta natureza ne’ebe bele hamoris ka hakiak ai-horis no iha sorin seluk  bele hamoris mos animal ne’ebe iha rai  leten no rai hanesan natureza ne’ebe forma hanesan tuir mai sasan Quimiku mineral no sasan organiku  maibe baibain ho nia mahar ne’ebe halo defirensia fisika, qumiika no biologia. Rai mos hanesan parte ida husi natureza ne’ebe forma no iha rezultadu hodi modifika prosesu fisika,quimika no biologia.

4.7.Teoria Familia.

Tuir matenek nain Gillis (1983)  Hateten katak Familia hanesan  baze premeiro hahu husi Inan Aman ho Oan iha uma laran ida iha familia ne’e nia laran sai hanesan  ona grupu ida ona iha soseidade ida nia leet hodi halao aktividade sira ne’ebe mak bele kontribui no responde ba problema sira ne’e mak mosu iha familia ne’e nia laran no halao aktividade sira ne’e hodi bele atinji obstetivu familia nia no hatan ba desizaun familia nian.

METÓDU PESKIZA

3.1.Projetu Peskiza

Bazia ba tipu peskiza ne’ebe peskizador atu uza iha peskiza ida ne’e mak hanesan peskiza Qualitativu deskritivuTuir matenek nain sugiyono (2014:7) Nia hateten katak metode peskija qualitative hanaran metode foun,tamba nia popularidade seidauk kleur. Tamba bazeia ba filosofia metode ne’e bolu mos nu’udar metudo artistiku,  tamba prosessu peskija ho lalaok arte, no bolu mos netudo interpretative tamba resultadu dadus peskiza sei iha relasaun ho interpretasaun dadus ne’ebe sei deskobre iha kampu.

3.2.Foku Fatin Peskiza

A.    Foku Peskiza

Iha peskiza ida ne’e hakerek nain hare’e liu ba prioridade peskiza nian kona-ba situasaun hirak ne’ebe mak akontese iha Timor-Leste, ne’ebe sai impedementu maka’as no ineteresante tebes iha sociedade nia le’et mak hanesan iha kontextu espesifiku peskiza nian hanesan Papél Lideransa komunitariu hodi halo mediasaun ba komflitu rai entre familia ”.

B.    Fatin Peskiza

Liu  husi Titulo ne’ebe mak iha peskizador hala’o mos observasaun ida hodi bele identifikasaun ba  fatin peskija ne’ebe hakerek nain hodi hala’o peskiza ba mak iha Suku Leguimea, Posto Administrativo Ermera, Municipio Ermera.

3.3.Tipu Dadu

Tipu no dadu ne’ebé hodi hakerek peskiza ida ne’e kompostu hosi tipu no fonte dadu.

 

 

a.      Dadus Kuantitativu

Tuir Matenek nain Azwar (2007:5) Hateten katak Peskiza kuantitativu nu’udar peskiz Ne’ebe  haka’as liu ba dadus-dadus numeru  prosessu nian ho metodu estatistika. Husi ne’e hatudo katak peskiza kuantitativu  hanesan tipu ida husi dadus ne’ebe bele sai sasukat  no bele sura tamba  iha relasaun metin liu ba Numeru.liu-liu bazeia ba Informasaun ne’ebe ita bele Define ho numero.

b. Dadus Kualitativu

Tuir matenek nain Sukmadinata (2009:53-60) Hateten katak Peskiza kualitativu nu’udar peskiza ida ne’ebe uza hodi halo deskrisaun no analiza  kona-ba fenomena,  akontesementu,atividade, social, atetude, kreabilidade, persepsaun no ema individo ou groupu. Ho definisaun ba peskiza ne’e rasik kona ba dadus kualitativu utiliza hanesan dadus ho forma verbal no laos numeru.

3.4.Fonte Dadus

a.     Fonte Dadus Primariu

Tuir Matenek Nain Hasan (2002:82) Nia Hateten Katak Dadus Primariu Nu’udar Dadus Ida Be’ebe Hetan ka Rekolha Direita iha kampu husi ema ne’ebe ita halo Peskiza ka ema ne’ebe ita Preciza. Husi ne’e  Dadus Primariu ne’e ita konsidera  nu’udar dadus ne’ebe peskizador hetan ka Rekolha direitamente husi fonte dahuluk. Tamba Ne’e Dadus Primariu husi peskiza ida ne’e mak informasaun ida ne’ebe peskizadore hetan direita  husi husu no hatan.

b.     Fontes Dadus Sekundariu

Tuir Matenek nain Hasan (2002:58) Nia Hateten katak Dadus Sekundariu hanesan dadus ida ne’ebe maka ita hetan no Rekolha husi ema ne’ebe halo peskiza no husi fonts ne’ebe iha ona. Husi ne’e  Dadus Sekundariu  ne’ebe peskizador konsidera nu’udar dadus ne’ebe peskizador hetan ka rekolha laos direita husi ema ne’ebe hatan ba peskizador nia perguntas, maibe  peskizador hetan husi dokumentu sira ne’ebe iha ona. Tamba ne’e iha peskija ne’e dadus sekundariu ne’e peskizador hetan husi domukentus kona-ba Papél Lideransa komunitariu hodi halo mediasaun ba komflitu rai  iha Suku Leguimea, posto administrativo Ermera.

3.5.Téknika Halibur Dadus

         Iha téknika halibur dadus iha prosesu peskiza ne’e maka nu’udar peskizadór utiliza téknika oin tolu (3) maka haktuir mai ne’e:

1. Observasaun             

           Téknika halibur dadus observasaun katak hanesan instrumentu ida ba peskizadór iha fatin peskiza hó interasaun direita atu bele hatene realidade problema Mudansa klimatika ne’ebe akontese iha ita nia rai-laran.

Peritu Sukmadinata (2011:15) argumenta katak tékniku ne’e utiliza atu foti dadus liu husi maneira observasaun direita kona-ba aktividade ne’ebé la’o dadauk.

2. Intervista

              Intervista katak téknika ida ne’ebé utiliza atu halibur dadus ka akumula dadus ne’ebé iha, implementasaun dadauk nu’udar peskizadór hasoru malu direitamente hó respondente atu bele hetan ka simu informasaun kona-ba problema ka fenomena sosial ne’ebé iha ligasaun hó titúlu peskiza nian.

            Tuir Esterberg (2002:231) Nia hateten katak Peskizadór atu konklui deit katak iha sorumutu entre ema na’in rua bele liu atu bele troka malu informasaun hó ideias liu husi prosesu husu no hatan, iha komunikasaun refere hanesan konstrusaun ida kona-ba problema ka topiku ne’ebé partikularmente.

3. Dokumentasaun

Téknika halibur dadus liu husi dokumentasaun hanesan metodu peskiza ida  ne’ebé utiliza atu hetan ka hatene ba dadus sira ne’ebé relasaun duni hó problema refere, katak atividade halibur dadus indireitamente ka hanesan objetu segundu maka liu husi dokumentus, arkivu no relatoriu anual.

3.6.Instrumentu Peskiza

Instrumentu peskiza hanesan fasilidade ne’ebé uza iha durante peskizadór hala’o prosesu peskiza, mak hanesan tuir mai ne’e, dahuluk mak peskisadór hanesan instrumentu prinsipal iha prosesu peskiza no mos instrumentu seluk hanesan:

1.     Matadalan Intervista no Kuestionáriu hanesan instrumentu ida ne’ebé peskizadór uza hanesan matadalan pergunta hodi hafasil peskizadór atu halo pergunta bá respondente iha  fatin peskiza.

2.     Gravador hanesan instrumentu ida ne’ebé utiliza husi peskizadór atu grava atividade intervista hotu ne’ebé halo husi intervistador bá informante.

3.     Kadernu mak sai hanesan instrumentu ida bá peskizadór iha  fatin peskiza hodi hakerek atividade hotu-hotu husi rezultadu peskiza ne’ebé peskizadór hetan iha fatin lokalizasaun peskiza.

4.     Lapizeira mak sasan ruma ne’ebé uza husi peskizadór hodi hakerek atividade hotu- hotu inklui hakerek informasaun sira ne’ebé iha ligasaun ho problema peskiza.

3.7.Tékniku Análiza Dadus

Atu halo análiza ba dadus hirak ne’ebé mak peskizadór akumula ka halibur ona durante halo peskiza maka, teknika ne’ebé peskizadór uza hodi análiza problema refere liu husi tékniku análiza kualitativa deskritivu hanesan tuir mai ne’e. Peskisa ida ne’e peskisadór uza métodu análisa dadus ne’ebé maka kria husi Milles no Huberman liu husi prosesu maka hanesan :

1. Halibur Dadus (Data Collection) Téknika halibur dadus iha fatin determinadu ba peskiza liu husi dalan ka prosesu  intervista, observasaun no dokumentasaun. Halibur  dadus maka prosesu halibur dadus husi peskisadór ba informador iha fatin peskisa maka  Suku Leguimea, posto administrativo Ermera. Bainhira dadus foti hotu ona maka tenki halo redusaun hó objektivu hodi hetan dadus ne’ebé maka loos no relevante, hó métodu peskisa kualitativu.
2. Redusaun Dadus (Reduction Data) Redusaun dadus nu’udar prosesu hanoin ida ne’ebé hó sensitivu nomós presisa haluan haklean liu tan kuñesimentu matenek ne’ebé áas. Redusaun dadus iha ne’e signifika katak hanesan prosesu ida hodi hili no konsentrasasun ba redusaun, no transformasaun  dadus ne’ebé mai husi hakerek iha fatin peskisa, dadus kualitativu iha ne’e bele haklot no transforma hó maneira oin-oin liu husi selesaun ne’ebé rigorozu no halo revista ba dadus ne’ebé hetan husi fatin peskisa hodi hetan dadus ne’ebé maka loos no hanesan hó realidade.
3. Apresentasaun Dadus (Data Display) Peskizadór fo konklui katak análiza dadus hanesan konjunta husi informasaun estrutura no fó posibilidade atu foti konklusaun no toma medidas, hare’e ba análiza dadus husi hakerek na’in sei atende saida mak akontese no saida mak tenke halo, hodi analiza ba foti medidas atu implementa, ne’ebé possibilidade atu foti konkluzaun hó análiza ne’ebé iha tiha ona.
4. Konklusaun Ka Verifikasaun (Conclusion or Verification) Iha etapa ikus ba análisa dadus kualitativu bazeia Milles hó Huberman maka halo konkluzaun no verifikasaun konaba dadus sira ne’ebé halibur tiha ona husi fatin peskiza nomós atu halo verifikasaun ba dadus ka halo  konklusaun ba dadus ne’ebé maka halibur ona komesa husi inisiu to’o remata.

REZULTADU PESKIZA NO ESPLIKASAUN

4.1.Deskripsaun jeral ba fatin peskiza

            Bazeia ba peskiza ne’ebe peskizador hala’o durante fulan ida nia laran,  ne’ebe hala’o iha Suku Leguimea, Postu Administrativo Ermera, Munisipio Eremera. Geografikamente Suku Leguimea lokalizasaun ba area fatin peskiza sai hanesan dadus ne’ebe importante tebes ba peskizador hodi mensiona. Tamba tuir lokalizasaun ba area peskiza mak bele hakerek konaba fatin ne’ebe mak peskizador hala’o aktividade peskiza ba. No mos bele hatene geografikamente lokalizasaun ba area peskiza peskizador hala’o ba mak hanesan tuir mai ne’e:

1.     parte leste baliza ho suku Humboe

2.     parte Sul baliza ho suku Poetete

3.     parte Oeste baliza ho suku Estado

4.     parrte Norte baliza ho Mirtuto

A.    Historia suku Leguimea

Suku Leguimea ne’e mai husi lian mambae katak “Leib no Mera” ho lian tetun  hanesan Debu ho Mean tamba saida mak hanaran Leib no Mera /hanesan Debu ho Mean, tamba uluk iha be’e nalihun bo’ot lo’os iha suku ne’e ho debu ne’be kor mean ka debu mean  ne’e sai hanesan karau timor nia horik fatin hodi entre rai baliza husi suku humboe ho suku leguimea ne’e mak nalihun boot  hela iha suku Leguimea ne’e mak iha avo nain rua ida naran Tat-Be’er no ida seluk naran Mau Bessulu sira nain rua iha hanoin ida atu halo lakon be’e ne’ebe mak nalihun hela ne’e.

Tuir avo Mau-Bessulu nia hanoin mak tenki kuru be’e ne’ebe nalihun ne’e to maran de’it, Maibe tuir fali avo Tat Be’er nia hanoin mak tenki ba/ke’e  de’it foho Lalimlau ho foho Heturia atu be’e ne’e hodi halai liu ba Tasi. Entaun to ikus mai konsege lao tuir duni avo Tat Be’er nia hanoin hodi ba/ke’e duni foho rua ne’e hodi to ikus be’e ne’e konsege  maran no avo Mau-bessulu  ne’e  be’e lori tia ba Tasi.

4.2.Aprezentasaun Dadus

Iha parte ida ne’e peskizador sei aprezenta fali dadus ne’ebe mak peskizador halibur ona husi fatin peskiza.Bazeia ba peskiza ne’ebe peskizador hala’o iha Suku Leguimea, peskizador  halo intervista ho informante nain ne'en (5) mak hanesan Xefe do Suku, Xefe Aldeia, Lia Nain, OPS, Komunidade nain Rua.

1.     Papel Lideransa Komunitaria Hohi Halo Mediasaun Ba Konflitu Rai Entre Familia Iha Suku Leguimea Postu Administrativu Ermera Municipio Ermera.

Tuir Avelino Menezes dos Santos hanesan xefe suku haktuir katak: Papel Lideransa Komunitaria Hodi Halo Mediasaun Ba Konflitu Rai Entre Familia Direksaun Nasional Prevensaun Konflitus Komunitariu (DNPKK) hodi hametin paz no estabelidade, habelar informasaun konaba Lei nain ba rai iha komunidade sira oinsa atu hamosu konsensia  komunidade nian konaba prevensaun konflitus iha area  disputa rai.Ita hotu hatene katak konflitu ne’e mosu tanba problema natural ida maibe hanesan  sosidade ida ne’ebe diak tenke buka malu hodi hetan solusaun  liu husi dalan dialogo no mediasaun.Diresaun nasional prevensaun konflitus komunitaria hari’i sistema baze de dadus, halo peskiza no analiza ba kausa konflitus hodi formula estrategia apropriadu ba prevensaun konflitu komunitaria, habelar no hametin rede servisu no parseria ba prevensaun konflitu.

Tuir Sr. Avelino Menezes dos Santos, hanesan xefe suku haktuir katak : papel Xefe do Suku mak hanesan  Kordena implementasaun hodi foti desijaun husi konsellu do suku no hala’o koordenasaun ho membru konsellu do suku sira. Promove prosesu konsultasaun no diskusaun ne’ebe kontinua nafatin iha komunidade hotu konaba planeamentu ezekusaun ba programa dezemvolvimentu komunitariu.Halo kooperasaun ho administrasaun municipal no reprezentante governu konaba adaptasaun prosedimentu hotu ba dezemvolvimentu suku.Rezolve problema ka konflitu kiik ne’ebe mosu entre aldeia ida ka rua ne’ebe iha  suku.Promove kriasaun atu bele halo prevensaun ba violensia domestika.

Tuir Sr. Avelino M. dos Santos, nu’udar Xefe do Suku iha Suku Leguimea haktuir katak: Durante nia ukun povu iha suku Leguimea iha tinan 2016 to mai agora nia observa katak iha suku Leguimea ne’e konflitu barak maka akontese tamba ne’e maka hanesan autoridade lokal ida iha suku ida ne lanonok deit wainhira rona no hatene ona konflitu sira ne’ebe maka akontese iha suku  Leguimea hanesan autoridade buka meus no alternativa oi-oin hodi resolve ka halo mediasaun ba konflitus sira ne’e no mos halo lina kordenasaun ho parte relevante sira ne’ebe maka hala’o sira nia knar no vizaun no misaun fokos liu ba buka solusaun ba konflitu ninian, hanesan (DNPKK) tamba ita hotu hantene katak (DNPKK) nia knar lolos ne atu halo aprosimasaun no fasilita mediasaun no dialogo hodi buka solusaun ba konflitu sira ne’ebe maka akontese iha komunidade sira nia leet.

Nomos desputa rai ne’ebe maka akontese dala barak entre komunidade ho komunidade no mos komunidade ho estadu. no familia uma laran sira ne’ebe maka sempre hamosu konflitu konaba rai tamba deit sira nia ideias no hanoin ne’ebe la hanesan no mos sira nia interese ne’ebe pelakontari ho ema seluk nia interese  ho prespetiva no ideias ne’ebe mak diferente sira ne’e hodi kria intabilidade iha suku Leguimea ida ne’e. Maibe ho konflitu sira hanesan autoridade lokal ida sei lasese husi komunidade maibe nafatin buka solusaun ba konflitu sira ne’e entaun atu resolve no fasilita mediasaun ba konflitu sira ne’e maka hanesan autoridade ida halo mos lian kordenasaun ho (DNPKK) hodi halo aprosimasaun no mediasaun ba konflitu rai ga desputa rai iha suru refere. le’et Hala’o intervista iha loron Quinta dia 23 fulan 08 2021.

Tuir Sr.Avelino M. dos Santos, hanesan xefe suku esplika liu tan katak: Wainhira akontese konflitu rai ka desputa rai iha suku Leguimea hanesan autoridade lokal ida iha suku  ida ne’e sente la mesak wainhira Diresaun Nasional Prevensaun Konflitus Komunitaria sira sempre hakbesik ann ba iha fatin akontesemento hodi halo aprosimasaun no aumesmu tempo fasilita mos mediasaun ba parte rua ne’ebe maka sai hanesan autor ba ida desputa rai refere Tamba (DNPKK) ne’e sira hanesan diresaun ida ne’ebe mak organigado tebes no ho sira nia Misaun no Vizaunida ne’ebe hakarak luta kontra konflitu no hasese komunidade sira husi konflitu.

Hanesan autoridade lokal ida iha suku Leguimea ida ne’e sente orgoliho no agradese tebes ba Diresaun Naional Prevensaun Konflitus Komunitaria (DNPKK) tamba wainhira konflitu ruma mosu ka akontese iha suku ida ne’e sira nia prezensa sempre ativu iha komunidade sira nia leet hodi halo aprosimasaun no fasilita  mediasaun no dialogo no hatutan informasaun no sosializasaun ba komunidade sira ho nune’e hodi ajuda autoridade lokal no komunidade sira wainhira hasoru konflitu ruma ka desputa rai tanba (DNPKK) sempre halo lina kordesaun ho autoridade lokal sira iha suku refere.

Wainhira desputa rai akontese iha terenu husi Diresaun Nasional Terras Proriedade no Diresaun Nasioal Prevensaun Konflitus Komunitaria sempre kopera malu hodi tun ba iha fatin akontesementu hodi halo aprosimasaun hodi hetan informasaun husi parte rua ne’e atu nune’e halo mediasaun konaba desputa rai ne’ebe maka komunidade inferenta. Atu nune’e bele hetan solusaun ba iha desputa rai ne’e rasik, hodi nune’e bele redus konflitu iha komunidade nia le’et Hala’o intervista iha loron Quinta dia 23 fulan 08 2021.

Bazeia ba intervista iha leten  mak hakerek nain atu konklui deit katak husi parte relevante sira ne’e hatudu katak papel sira ne’e importante tebes hodi kontribui ba paz no estabilidade iha Suku Leguimea no bele lori dezenvolvimentu ba suku refere.

Tuir Sr. Francisco Madeira, hanesan xefe aldeia leguimea haktuir liu tan katak: Desputa rai ne’ebe mak akontese iha Suku Leguimea, hahu husi tinan 2017/2021 durante tinan lima nia laran kuaze kazu desputa rai ne’e 18 kazu sira desputa tamba rai baliza hanesan natar,toos no plantasaun sira ne’e desputa konaba rai baliza ne’e tanba komunidade sira ne’e ladun hatene lolos sira nia rai ne’e luan metro hira no naruk metro hira komunidade sira so deklara deit sira nia rai ne’e husi ai ida ne’e to ida ne’eba. Maibe ida opinaun komunidade ida-idak nian. Nomos desputa rai ne’e dala barak mos konba uma fatin hanesan komidade sira balun husik hela sira nia rai moris fatin sira ba buka tia moris iha fatin seluk hanesan iha estranjeru ne’eba to ikus  fila mai rai ne’ebe mak uluk hela ba ne’e komunidade balun okupa tia fali entaun ida ne’e hodi mosu konflitu konaba rai refere.

Maibe kazu desputa rai iha suku Leguimea kuaze rezolvidu maibe la 100% katak kazu sira ne’e autoridade lokal sira ho parte relevante sira koko halo aprosimasaun no aumesmu tempo bele fasilita mos mediasaun ba desputa rai ne’e hanesan kazu desputa rai ne’ebe mak parte relevante sira iha kibeit hodi halo mediasau ne’e bele.  Mais kazu desputa rai sira ne’ebe mak sai to mosu violensia no krimi ne’e kazu sira ne’e iha PNTL no Ministerio Justicisa nia kompetencia hodi prosesu tuir dalan legal. Hala’o intervista iha loron Terxa dia 24 fulan 08 tinan 2021.

            Bazeia ba intervista iha leten  mak hakerek nain atu konklui deit katak kona-ba disputa rai iha suku refere kuaze desputa sira ne’e balun rezolvidu maibe balun sedauk rezolvidu no kazu sira balu ne’ebe mak konsidera hanesan krimi ne’e prosesu tuir dalan justicia nian.

2.     Mekanismu ba prosesu mediasaun  ba konflitu rai iha Suku Leguimea durante tinan 2017/2021

Tuir Sr. Francisco Madeira, xefe aldeia  katak: (DNPKK) nia Mekanismu no maneira hodi fasilita mediasaun ba konflitu rai  ka desputa rai  primeiru uza maneira halo aprosimasaun uluk ba iha fatin akontementu hanesan desputa rai , Halo aprosimasaun uluk atu bele hetan informasaun husi parte rua ne’ebe maka involve iha konflitu ne’e atu nune’e parte rua ne’e bele iha kondenasaun ba malu atu nune’e (DNPKK) bele fasilita mediasaun konaba despura rai ne’ebe komunidade sira iha Suku Leguimea ne’e hasoru durante iha tinan 2017/2021, Durante tinan lima nia laran ne’e desputa rai ne’ebe maka akontese iha Suku Leguimea ne’e a’as tebes konpara ho suku sira seluk iha municipio Ermera.

Konflitu konaba desputa rai ne’e dala barak tanba rai eransa avo sira nian uluk fo ba malu laiha akordu ruma atu nune’e tau hela ba sira nia jerasaun sira tuir, konflitu ne’e balun akontese tamba uma fatin hanesan rai ne’ebe mak mamuk hela durante tinan sanolu resin nia laran la iha ema id ba okupa rai. Maibe iha 2019 iha komunidade balun ba okupa rai ne’e hodi halo uma iha rai refere, maibe halo uma ne’e sedauk finalize komunidade balun ba halo intervensaun ba rai ne’e rasik hodi parte rua ne’e hamosu konflitu konaba rai ne’e. depois de ida (DNPKK) ba halo kedas aprosimasaun iha komunidade sira iha Suku Leguimea atu nune’e bele buka meus no alternative oinsa mak atu halo mediasaun konaba konflitu ne’e. Implementasaun estratejia intervensaun ba kualker insidente hanesan desputa rai tenki foti medidas adekuada ida ou preventive, reforsa mekanismu preventive ho solusaun manan-manan hotu ba parte rua ne’e hotu tenki enkorajem no amelior tanba dalan uniku ba mediasaun hodi hetan solusaun sustentabel persisa tebes fiar no konfiansa husi parte hotu.autoridade lokal komunidade sira no (DNPKK).

Ho mekanismu hanesan maneira ida hodi fasilita mediasaun durante tinan 2019/2021 iha Suku Leguimea konaba desputa rai. Durante halo mediasaun konaba desputa rai iha Suku Le balu (DNPKK) hetan ninia solusaun maibe balu la iha solusan nomos balu konsidera hanesan krimi ne’e iha PNTL no Ministero da Justicia nia liman nomos balun iha hela prosesu aprosimasaun nia laran. Iha implementasaun mediasaun wainhira konflitu rai entre familia ka grupu ka komunidade iha suku Leguimea  sira hasoru (DNPKK) hanesan parte terseiru hodi bele halao prosesu mediasaun konaba desputa rai, Maibe (DNPKK) sempre kooordena ho Diresaun Nasional Terras no Propriedade hodi bele ajuda malu hodi fasilita mediasaun konaba desputa rai iha Suku Leguimea. Hala’o intervista iha loron Quinta dia 26 fulan 08 tinan 2021.

Bazeia ba intervista iha leten  mak hakerek nain atu konklui deit katak uza mekanismu oin-oin hodi bele buka solusaun ba desputa rai ne’e mak komunidade sira inferenta iha suku Leguimea atu nune’e bele halo mediasaun.

Tuir Sr. Francisco Madeira, hanesan xefe aldeia haktuir liu tan katak:

          Atu redus konflitu rai no desputa rai iha komunidade sira nia leet liu-liu iha Suku Leguimea  ita nia estadu no governo presiza tau prioridade liu Agraria atu bele halo lebantamentu dadus husi komunidade sira atu nune’e bele hasai sertifikadu nain ba rai husi ita nia Nasaun Timor-Leste ne’e rasik atu nune’e bele redus konflitu rai iha ita nia nasaun.Tamba realidade hatudu katak wainhira desputa rai sira ne’ebe mak akontese iha suku Leguimea, husi parte agraria tun ba iha fatin desputa rai ne’e iha ne’eba komunidade sira izizi los konaba sertifikadu nain ba rai husi ita nia estadu no governo tamba rai sira ne’e Diresaun (CNC) ba sukat tia no promote hela ba komunidade sira dehan ita nia governo atu destribui sertifikadu nain ba rai ba komunidade sira. Hala’o intervista iha loron Terxa dia 31 fulan 08 tinan 2021.

Bazeia ba intervista iha leten  mak hakerek nain atu konklui deit katak ita nia governu no estadu buka meus no mekanismu ida para atu bele distribui sertifikadu nain ba rai ba komunidade sira  ita nia rai.

3.     Benefisiu durante iha prosesu mediasaun kona-ba konflitu rai  iha Suku Leguimea

Tuir ………husi (DNPKK) haktuir liu tan katak benefisiu ne’ebe maka hetan no sente depois de fasilita mediasaun ne’e remata benefisu premeiru maka Parte rua ne’e bele simu malu fali benefisiu Segundo maka aumenta koinesementu (DNPKK) nian iha mediasaun konaba desputa rai no benefisu terseiru mak redus konflitu rai iha Suku Leguimea benefisiu quarto mak bele kria fali paz no estabilidade no dezenvolvimento Suku.

Tuir Sr. Francisco Madeira, hanesan xefe aldeia  haktuir liu tan katak :Hetan sertifikadu nain ba rai, ba sidaddaun sira hotu iha ita nia Nasaun Timor-Leste ne’e agora dadauk iha ona prosesu nia laran liu husi Ministerio da Justica  liu husi Diresaun Notariado agrora dadauk funsionario sira tuir hela formasaun  kona-ba atu fo sertifikadu propriedade ba  nain ba rai ba sidadaun sira atu nune’e sira bela hetan Titulu  nain ba rai, no iha tempu besik sei realiza  depois de hein presidente da republika promulga ona deckretu-Lei rua ne’e tamba Decreto Lei ne’e koalia kona-ba destribui Sertifikadu nain ba rai ba sidadaun sira.Atu nune’e komunidade sira bele sente lolos konaba benefisiu husi sertifikado ne’e.  halo intervista iha loron Terxa dia 31 fulan 08 tinan 2021.

            Bazeia ba intervista iha leten  mak hakerek nain atu konklui deit katak wainhira halo mediasaun ba desputa rai ne’ebe mak akontese iha suku Leguimea despois de mediasaun hotu iha duni nia benefisiu lubun boot tebes.

Tuir Sr. Paul S. De Jesus hanesan komunidade  haktuir katak : Durante iha prosesu mediasaun konaba desputa rai ne’ebe mak akontese iha suku Leguimea ne’e depois de mediasaun hotu benefisiu ne’ebe komunidade sira hetan mak komunidade sira bele dame malu fali no bele kria fali relasaun ne’e mak la diak bele sai diak fali atu nune’e bele moris iha paz no estabelidade nia laran. Hanesan komunidade sente orguilho tebes ho diresaun nasional prevensaun konflitu komunitaria nia prezensa tamba sira nia prezensa ne’e ajuda tebes ami komunidade sira iha konflitu nia laran relasiona ho desputa rai ne’e maka ami suku Leguimea ne’e infrenta hahu husi tinan 2017/2021 tamba  (DNPKK) halo aprosimasaun no atu fasilita mediasaun ba parte rua ne’e hodi bele simu malu fali no iha prosesu  mediasaun ne’e nia laran (DNPKK) hanesan parte terseiru hodi rona parte rua nia opinao, hodi bele hetan solusaun ba konflitu ne’e maka mai hasoru durante ne’e. halo intervista iha loron Quarta dia 01 fulan 09 tinan 2021.

Bazeia ba intervista iha leten  mak hakerek nain atu konklui deit katak durante iha desputa nia laran sente lahakmate no la seguro maibe despois de halo mediasaun hotu sente iha nia benefisiu tamba bele kria fali paz no estabilidade iha suku refere.

4.     Dezafiu iha prosesu mediasaun kona-ba disputa rai iha Suku Leguimea?

Tuir Sr. Paul S. de Jesus  hanesan komunidade haktuir liu  tan katak  ;Durante 2017/2021 fasilita mediasaun konaba desputa rai iha Suku Leguimea ne’e hasoru dezafio no obstaklu oi-oin ne’ebe maka prezudika tebes (DNPKK) atu ezerse sira nia knar ho diak.Tamba ho dezafio ne’’be maka ami hasoru iha terenu maka hanesan menos fasilidade hanesan transporte, no mos laiha osamentus hodi ba halo aprosimasaun no mediasaun iha terenu  dezafiu ida mos konaba menos Mediador tamba Mediador  nain haat deit ne’e labele kovre municipio tomak tamba ne’e kauzu desputa rai balu nia prosesu aprosimasaun ne’e han tempo naruk liu, No mos infrasturtura hanesan edefisiu (DNPKK) ne’ebe la diak no la dikno atu nunee bele halao sira nia servisu ho dia.

Tuir Sr. Paul S. de Jesus hanesan komunidade esplika liu tan katak: Iha tinan 2017 hodi mai to’o agora daduk ne’e konflitu rai ne’ebe maka akontese iha suku Leguimea ita bele dehan katak konflitu rai ne’ebe mak  hanesan rai eransa avo sira nian uluk fo ba malu la halo akordu ruma no la tau hela evidensia balun ba jeresaun sira tuir mai ne’e ho  buat sira hanesan ne’e mak hodi hamosu konflitu no desputa rai iha suku ida ne’e, no mos tanba ita nia estadu no governo sedauk kria sertifikadu nain ba rai ne’ebe mak seluk los nomos tanba komunidade balun okupa tia komunidade balun ne’ebe mak iha tempo indosensia sira halai tia ba iha indosesia depois de sira fila mai mosu desentendementu ente komunidade sira ne’ebe hela iha rai refere. Tamba ida ne’ebe mak sai hanesan obstaklo ida mai Lideransa Komunitaria iha Suku Leguimea.

Tuir Sr.Adelino Martins hanesan komunidade haktuir liu tan katak : Durente iha prosesu mediasaun ninian dezafio no obstaklu barak mak ami hasoru durante iha prosesu nia laran tanba wainhira konflitu rai ne’ebe maka akotese maibe parte relevante sira halo atuasaun tarde, nomos wainhira  halo mediasaun  parte terseiru sira la kria regulamentu ka prosedor ruma para regula parte rua ne’ebe maka involve iha konflitu ka desputa rai  ne’ebe maka hahu husi tinan 2017/2021 durante tinan lima nia laran Diresaun Nasional Prevensaun Konflitu Komunitaria halo aprosimasaun no mediasaun iha Suku Leguimea ne’e rasik.

Tuir dadus husi Diresaun Nasional Prevensaun Konflitu Komunitaria Municipio Ermera katak : Huhu husi tinan 2017/2021 durante ne’e  rejistu kauza desputa rai iha Suku Leguimea kuaze sanolu resin ulalu (18) iha tinan 2018 desputa rai hamutuk lima (5) no iha tinan 2019 desputa rai hamutu haat (4) no iha tinan 2020 deputa rai hamutuk neen (6) no iha tinan 2021 desputa rai hamutuk tolu (3). halo intervista iha loron  Segunda dia 06 fulan 09 tinan 2021.

Bazeia ba intervista iha leten  mak hakerek nain atu konklui deit katak wainhira konflitu ka disputa rai ne’e akonte iha suku Leguimea iha dezafiu oin-oin mak parte sira ne’e imferenta, no mai to iha prosesu mediasaun nia laran mos iha dezafiu lubuk ida mak sira imferenta iha baze

Tuir Mediador  Sr. João Trindade. Haktuir liu tan katak: Kauza desputa rai ne’ebe maka akontese iha Suku Leguimea ne’e hamutuk sanolu resin ualu (18) konpostu husi kauza sira ne’e fahe fali ba iha tipu desputa rai nian, Desputa rai konaba rai  baliza hanesan toos natar no plantasaun hamutuk hitu (7) desputa rai konaba uma fatin neen (6) no desputa rai konaba rai eransa Avo sira nian  tolu (3)  no desputa rai konaba fahe rai Inan Aman nian ba Oan sira hamutuk rua (2).

Desputa rai iha Suku Leguimea durante iha tinan 2017/2021

No	Aldeia	Desputa Rai	Mediasaun	Rezolvidu	Sedauk Rezolvidu	Sei Prosesu
1	Aldeia  Poehei	4	3	3	1	-
2	Aldeia Leguimea	7	5	4	2	1
3	Aldeia Hatuleta	3	3	3	-	-
4	Aldeia Tidir
5	Aldeia Titihar
6	Aldeia Sinilelo	4	2	2	1	1
Total	6	18	13	12	4	2

Rezultadu intervensaun ba desputa rai iha tabela iha leten hatuduu numeiru insidente haktuir katak husi Aldeia ida-idak ho intervensaun aprosimasaun no mediasaun hodi rezulta katak  numeriu insidenete ba desputa rai ne’ebe a’as liu iha Suku Leguimea  iha 18 Insidente  ne’ebe Diresaun Nasional Prevensaun Konflitu Komunitaria rekoila ona durante tinan 2017/2021 nia laran iha tabela hatudu katak desputa rai ne’e mak komunidade sira iha Suku Leguimea sira infrenta ne’e balu (DNPKK) rezolvidu no balu iha aprosimasaun nia laran no balu sedauk rezove maibe iha tempo besik (DNPKK) sei buka dalan no alternative oi-oin atu bele halo mediasaun no hetan solusaun ba konflitu rai ne’ebe mak komunidade sira disputa hamutuk 18 no halo mediasaun 13  no rezolvidu 12 no sedauk rezolvidu 4 no iha prosesu laran 2, ida bazeia ba tabela iha leten  tuir desputa rai ne’ebe mak akontese iha Suku Leguimea  infrenta. halo intervista iha loron Segunda  dia 13 fulan 09 tinan 2021.

Bazeia ba intervista iha leten  mak hakerek nain atu konklui deit katak komentario klean liu kona-ba disputa rai ne’ebe mak komunidade sira imferenta durante iha tinan 2017/2021 hatudu liu husi tabele ne’ebe mak mensioma iha leten ne’e

Tuir Sr. Paul S. de Jesus ho Sr. Adelino Martins  Hanesan komunidade nain rua  ne’ebe disputa rai haktuir katak : Konflitu ne’ebe maka ami hasoru maka konaba desputa rai ne’ebe mak ami ida-idak ho nia interese pesoal ne’ebe maka lahanesan ba rai ida nian ho ami nia intrese  sira ne’e mak lori ami ba iha konflitu nia laran no to ami la hare’e malu hanesan inimigo ida iha sosiedade nia laran. Tamba durante konflitu desputa rai ne’e akontese ami hanesan komunidade  iha ambiente sente moris la iha paz no estabilidade iha ami nia familia, komunidade no iha ami nia Suku ne’e rasik.

Wainhira desputa rai ne’e akontese iha tinan 2017/2021  iha suku Leguimea diresaun nasional prevensaun konflitus komuniatria nia prezensa iha fatin akontese primeiru sira halo aprosimasaun no buka informasaun husi parte rua ne’ebe mak sai hanesan autor ba iha desputa rai ne’e rasik  despois de aprosimasaun  hotu sira buka oi-oin hodi halo mediasaun ba konflitu ne’ebe mak akontese atu nune’e parte rua ne’e bele simu malu fila fali hodi bele kria paz no estabilidade ida ne’ebe maka diak. Hala’o intervista iha loron Quinta dia 16 fulan 09 tinan 2021.

Bazeia ba intervista iha leten  mak hakerek nain atu konklui deit katak hatudu wainhira  komunidade sira ne’e hasoru konflitu  relasiona no desputa iha iha suku Leguimea sira sempre  hetan atendimentu husi parte relevante sira ne’ebe mak koalia konaba rai no medisaun no buka solusaun  bele kria paz no estabilidade iha suku laran.

4.3.Analiza no Intrepretasaun Dadus

            Relasiona rezultadu dadus ne’ebe maka peskizador hala’o durante fulan ida nia laran, iha  Suku Leguimea iha peskiza refere peskizador halo ho perguntas ne’ebe diferente hodi halibur dadus oi-oin konaba Papel Lideransa Komunitario Hodi Halo Mediasaun Ba Konflitu Rai Entre Familia Iha Suku Leguimea, hodi kontrola komunidade sira ne’ebe mak sempre hamosu konflitu konaba desputa rai iha Suku refere.

Bazeia ba dadus sekundaria no dadus primaria ne’ebe mak mensiona ona iha leten mak hakerek nain atu analiza konaba desputa rai iha suku Leguimea ne’ebe peskizador hetan durante hala’o peskiza iha suku refere hodi hatene konaba papel lideransa  komunitariu hodi halo mediasaun ba konflitu rai iha suku Leguimea no papel ida mak oinsa atu buka dalan no maneira hodi bele buka solusaun ba desputa rai iha suku Leguimea no mos ezerse sira nia funsaun sira ho didiak bele garante paz no estabilidade ida iha suku laran.

Hosi análiza rezultadu peskiza ida ne’e peskizador atu deskreve katak durante ne’e iha linha kondenasaun entre servisu Lideransa komunitaria iha Suku Leguimea ho Diresaun Nasional Prevensaun Konflitus Komunitaria, no mos ho komunidade sira ne’ebe mak involve iha desputa rai ne’ebe mak akontese iha suku Leguimea, ho  objetivu kooperasaun ne’e atu bele buka dalan no maneira oi-oin atu bele halo aprosimasaun  no mediasaun ba desputa rai ne’ebe mak komunidade sira hasoru iha terenu durante tinan 2017/2021 iha Suku Leguimea ne’ebe hamutuk 18 Insidente ne’ebe halo mediasaun 13  no rezolvidu 12 no sedauk rezolvidu 4 no 2 iha prosesu laran. Diresaun Nasional Prevensaun Konflitu Komunitaria rekoila ona no hatudu katak desputa rai ne’e mak komunidade sira iha Suku Leguimea infrenta ne’e balu (DNPKK) rezolvidu no balu iha aprosimasaun nia laran no balu sedauk rezove maibe iha tempo besik (DNPKK) sei buka dalan no alternative oi-oin atu bele halo mediasaun no hetan solusaun ba konflitu rai ne’ebe mak komunidade sira disputa.

Bazeia ba rezultadu peskiza  ne’ebe mak esklare ona, mak peskizador halo sengkronizasaun ho enkuadru literasia  husi  dekreitu Lei no. 3/2009 konaba kna’ar lideransa Komunitáriu nian, iha artigu 2 (Definisaun Lideransa Komunitáriu) katak:

“Lideransa Komunitáriu ne'e kolektivu (Pakote) ne’ebé ho objetivu atu organija partisipasaun komunidade sira atu resolve sira nia problemas, tau interese ne’ebés sempre sai hanesan nesesidade liu. Lideransa Komunitáriu ne'e exersida husi Chefe do Suku no Konsellu do Suku, iha limitasaun ba Suku no aldeia ketak-ketak, eleito tuir akordu ne’ebé termina husi dekreitu lei refere.” No Tuir Peritus Ordway Tead, (1935: 12), katak  Lideransa lokal hanesan aktividade ne’ebé fo influênsia ba ema atu nune’e bele iha kolaborasaun hamutuk hodi atinji objetivu komum.

Bazeia ba hanoin iha leten nu’udar peskizador halo rezumu katak hanesan Lideransa Lokal tenki iha abilidade, responsabilidade no kreatividade ho hamosu ideia ne’ebé diak no bele fo influênsia ba ema individo ou grupu ne’ebé moris iha komunidade ida, hodi bele atinji objetivu ne’ebé positivu liu husi aprosimasaun no mediasaun, liu-liu hare’e liu ba implementasaun fasilita mediasaun konaba konflitu rai iha Suku Leguimmea. Estadu presiza halo planu ka programa ida ne’ebe adekuda ba iha komunidade iha suku refere. Nune’e presiza mos servisu hamutuk husi estadu no sosiedade sira hotu, hodi partisipa masimu  iha paz no estabilidade.

LIA MAK TAKA

5.1. Konkluzaun no Sujestaun

5.1.1.     Konkluzaun

Bazeia ba peskiza ne’ebe mak peskizador hala’o durante fulan  ida nia laran, iha Suku Leguimea. Hakerek nain hakarak  foti konkluzaun badak deit konaba.  Papel Lideransa  Komunitariu Hodi Halo Mediasau Ba Konflitu Rai Entre Familia iha Suku Leguimea. no sira kopera ho diak hodi halo aprosimasaun  no mediasaun  konaba servisu Diresaun Nasional Prevensaun Konflitus Komunitaria nian. No tuir Xefe Gavinete (DNPKK)  durante ne’e iha 2017/2021 ne’e konflitu rai ne’ebe mak mosu ka akontese iha Suku Leguimea ne’e kuaze 18 desputa rai komunidade sira no total desputa sira ne’e balu halo aprosimasaun no mediasaun hetan ona nia solusaun mai be balu sedauk hetan nia solusaun maibe (DNPKK) nafatin buka dalan no mekanismu oin-oin para atu hetan solusaun ba desputa rai ne’e  mak komunidade sira iha Suku Leguimea inferenta durante nee’.

5.1.2.     Sujestaun

Bazeia ba konkluzaun sira iha leten,ne’ebe mak iha  ligadu ho Papel Lideransa Komunitariu Hodi Halo Mediasaun Ba Konflitu Rai Entre Familia iha Suku Leguimea  Ne’e mak iha parte ida ne’e hakerek nain atu bele sujere de’it ba:

1. Ministerio Interior atu bele kria kondisaun  ne’ebe diak ba Diresaun Nasional Prevensaun Konflitus Komunitariu (DNPKK) kondisaun Infranstrutura Fasilidade Transporte  no mos aumenta pesoal mediador atu nune’e hodi fasil ba sira atu bele halo sira nia knar ho professional liu tan.
2. Sujere mos Ministerio da Justicia liu-liu Diresaun Terras no Proriedade ho Diresaun Notariadu atu bele tau planu ida ne’e propriadu liu konaba levantamentu dadus komunidade sira nia konaba atu fasilita setifikadu nain ba rai ba komunidade sira atu nune’e komunidade sira labele hamosu bebeik konflitu konaba rai refere.
3. Sujere mos ba Lider Komunitariu iha Suku Leguimea, karik konflitu sira hanesan ne’e akontese presiza halo lina kordenasaun diak ho parte relevante sira atu nune’e bele buka dalan mekanismu hodi hetan nia solusaun ba konflitu ne’ebe mak mosu iha suku laran.
4. Sujere mos ba komunidade sira iha Suku Leguimea karik konfliru sira hanesan ne’e mosu ka akontese hanesan komunidade tenki hakbesik an ba parte relevante sira atu nune’e bele buka dalan hodi halo mediasaun ba konflitu refere liu-liu kona-ba konflitu rai iha suku Leguimea.